Bydd un ar ddeg o bobl yn derbyn Hysbysiad o Fwriad i Erlyn am gyflawni troseddau moduro mewn digwyddiad reidio yn gynharach y mis hwn.
Cynnwys y prif erthygl
Nodwyd eu bod wedi cyflawni troseddau moduro yn y digwyddiad a oedd yn cynnwys grŵp mawr o feiciau a cherbydau eraill a oedd yn teithio rhwng y Barri a Chaerdydd ddydd Sadwrn, 10 Mehefin.
Nodwyd bod yr wyth dyn rhwng 18 a 41 oed, dau fachgen 16 oed, a dynes 31 oed wedi cyflawni troseddau moduro yn y digwyddiad a oedd yn cynnwys grŵp mawr o feiciau a cherbydau eraill a oedd yn teithio rhwng y Barri a Chaerdydd ddydd Sadwrn, 10 Mehefin.
Roedd rhai o'r unigolion dan sylw yn gyrru mewn modd a oedd yn peryglu defnyddwyr ffyrdd a cherddwyr.
Mae hwn yn ymchwiliad rhagweithiol sy'n dal i fynd rhagddo a hyd yn hyn mae wedi cynnwys:
- Atafaelu 23 o gerbydau, gan gynnwys 11 beic cwad a dau gerbyd sy'n addas ar gyfer pob math o dir, o uned yn Wilson Road, Trelái ddydd Gwener, 16 Mehefin. Mae'r rhain yn dal i gael eu harchwilio.
- Arestio dau ddyn, 28 a 41 oed, ar amheuaeth o drin nwyddau wedi’u dwyn a throseddau eraill, ac mae'r ddau ar fechnïaeth yr heddlu tra bod ymholiadau pellach yn cael eu cynnal.
- Anfon Hysbysiad o Fwriad i Erlyn (NIP) at dri pherson arall i gadarnhau pwy oedd yn defnyddio eu cerbyd ar adeg y troseddau a gyflawnwyd yn y digwyddiad.
Mae Heddlu De Cymru yn ymrwymedig i gadw’r gymuned yn ddiogel. Mae gan bob defnyddiwr ffyrdd ddyletswydd i gadw at ddeddfwriaeth traffig ffyrdd.
Gall unrhyw un sydd ag unrhyw ddeunydd fideo o gamera teledu cylch cyfyng, ffôn symudol neu gamera dashfwrdd a fydd yn helpu ein hymchwiliad i droseddau moduro a gyflawnwyd yn ystod y digwyddiad, gyflwyno'r deunydd hwnnw ar-lein drwy borth cyhoeddus:
https://mipp.police.uk/operation/62SWP23B72-PO2
Fel arall, gallwch gysylltu â ni drwy un o'r ffyrdd canlynol, gan ddyfynnu rhif digwyddiad: 2300189926.
Sgwrs Fyw https://www.south-wales.police.uk/cy-GB/
E-bost [email protected]
Ffoniwch 101
Mae Hysbysiad o Fwriad i Erlyn (NIP) yn hysbysiad a gyflwynir gan yr heddlu sy’n hysbysu unigolyn bod yr heddlu yn bwriadu ei erlyn am drosedd foduro. O dan a1 o Ddeddf Troseddwyr Traffig Ffyrdd 1988, mae'n rhaid rhoi Hysbysiad o Fwriad i Erlyn i yrrwr neu geidwad cofrestredig cerbyd y nodwyd ei fod wedi bod yn rhan o drosedd foduro. Mae'r troseddau y mae'n rhaid cyflwyno hysbysiad ar eu cyfer fel arfer yn cynnwys goryrru, mynd yn groes i signal traffig er enghraifft golau coch, gyrru'n ddiofal, gyrru'n beryglus neu ddefnyddio ffôn symudol wrth yrru.
Pwrpas yr Hysbysiad o Fwriad i Erlyn (NIP) yw sicrhau bod digon o rybudd yn cael ei roi i geidwad cofrestredig neu yrrwr y cerbyd y gallent gael eu herlyn tra bod digwyddiadau yn dal yn ffres yn y cof. Cynlluniwyd y broses hon i sicrhau nad yw'r gyrrwr yn cael ei ragfarnu'n annheg os bydd y mater yn mynd ymlaen i'r Llys.