Mae Pen-y-bont ar Ogwr wedi gweld y trydydd gostyngiad mwyaf mewn troseddau treisgar yn y DU.

Mae ffigurau newydd yn dangos bod Pen-y-bont ar Ogwr wedi gweld gostyngiad o 10.6% mewn troseddau treisgar ers 2019, sy’n cyfateb i 466 yn llai o droseddau. Dyma'r drydedd gyfradd ddisgyn gyflymaf ar draws y y DU.

Meddai’r Prif Arolygydd Anthony Moyle, “Mae hyn oherwydd ymrwymiad eithriadol ein gweithlu ac effeithiolrwydd ein strategaethau patrol wrth leihau cyfraddau troseddu yn sylweddol.

Rydym yn parhau i fod yn ymroddedig i gynnal Pen-y-bont ar Ogwr a phob ardal o fewn yr heddlu a chymunedau sy'n ffynnu. Mae’r ffigurau hyn yn sicr yn galonogol a byddant yn cael eu croesawu gan y gymuned leol yn ddi-os.

Gellir priodoli’r gostyngiad mewn troseddau treisgar yn uniongyrchol i ffocws diwyro ein gweithlu ymroddedig, a wnaed yn bosibl drwy batrolau gwell ac wedi’u targedu o’n heconomi canol tref a liw nos.

Yn ogystal, rydym yn falch o gydnabod effaith gadarnhaol y cyllid a gafwyd ar gyfer strydoedd mwy diogel. Yn nodedig, mae ward Morfa yn enghraifft wych o'r gwelliant hwn, gyda gostyngiad rhyfeddol o 43.8% mewn troseddau treisgar, ynghyd â gostyngiadau sylweddol mewn troseddau trefn gyhoeddus a bod ym meddiant cyffuriau.

Rydym am gyfleu neges syml ond dylanwadol: bydd ein hymroddiad diwyro i sicrhau diogelwch cymunedol yn parhau. Bydd ein hymdrechion diflino yn parhau i feithrin amgylcheddau diogel lle mae pobl yn teimlo'n ddiogel ac yn hyderus."