Mae dau berson wedi’u harestio ac mae mwy nag 20 o gerbydau yn cynnwys 11 o feiciau cwad wedi’u hatafaelu o uned yn Nhrelái, Caerdydd.
Cynnwys y prif erthygl
Mae dau berson wedi’u harestio ac mae mwy nag 20 o gerbydau yn cynnwys 11 o feiciau cwad wedi’u hatafaelu o uned yn Nhrelái, Caerdydd.
Daw hyn yn dilyn apêl am wybodaeth am ddigwyddiad yn ymwneud â grŵp mawr o feiciau a cherbydau eraill yn teithio rhwng y Barri a Chaerdydd ddydd Sadwrn diwethaf (Mehefin 10).
Roedd rhai o'r unigolion dan sylw yn gyrru mewn modd a oedd yn peryglu defnyddwyr ffyrdd a cherddwyr.
Fel rhan o’n hymchwiliad rhagweithiol i’r digwyddiad hwn, ac yn sgil gwybodaeth gymunedol a gafwyd am feiciau wedi’u dwyn a’r digwyddiad hwn, am 7am fore heddiw (dydd Gwener 16 Mehefin), cynhaliodd swyddogion warant chwilio mewn uned ger Wilson Road, Trelái.
- Mae 11 o feiciau cwad, 9 beic modur sgramblo, dau gerbyd sy'n addas ar gyfer pob math o dir, ac un beic modur ffordd wedi'u hatafaelu a byddant yn cael eu harchwilio.
- Mae dau ddyn o Drelái wedi cael eu harestio ac maent yn y ddalfa.
Mae dyn 28 oed wedi cael ei arestio ar amheuaeth o drafod nwyddau wedi’u dwyn, gyrru’n ddiofal, a thyfu canabis.
Mae dyn 41 oed wedi cael ei arestio ar amheuaeth o drafod nwyddau wedi'u ddwyn a thyfu canabis.
Mae'r ymchwiliad yn mynd rhagddo ac mae ymholiadau'n parhau.
Mae Heddlu De Cymru yn ymrwymedig i gadw’r gymuned yn ddiogel. Mae gan bob defnyddiwr ffyrdd ddyletswydd i gadw at ddeddfwriaeth traffig ffyrdd.
Gall unrhyw un sydd ag unrhyw ddeunydd fideo o gamera teledu cylch cyfyng, ffôn symudol neu gamera dashfwrdd a fydd yn helpu ein hymchwiliad i droseddau moduro a gyflawnwyd yn ystod y digwyddiad, gyflwyno'r deunydd hwnnw ar-lein drwy borth cyhoeddus: