Ymosodiad difrifol yn ardal Glenwood yn Llanedeyrn.

Mae Heddlu De Cymru yn ymchwilio i ymosodiad difrifol yn ardal Glenwood yn Llanedeyrn, tua 2pm ddoe (dydd Sul, 17 Medi).

Aethpwyd â dyn 19 oed o Gaerdydd i Ysbyty Athrofaol Cymru, Caerdydd, â sawl anaf, gan gynnwys clwyfau trywanu, nad ydynt yn anafiadau sy'n bygwth bywyd.

Credir bod y rhai a oedd yn rhan o'r digwyddiad yn adnabod ei gilydd ac mae ymholiadau yn parhau.

Dywedodd y Ditectif Ringyll Phillip Marchant: “Rydym yn apelio i unrhyw un a oedd yn ardal Glenwood brynhawn ddoe a all fod â gwybodaeth neu ddeunydd fideo mewn perthynas â'r digwyddiad hwn, gysylltu â ni drwy un o'r ffyrdd canlynol gan ddyfynnu'r rhif digwyddiad 2300315766.”

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.

Er nad yw troseddau'n ymwneud â chyllyll yn rhan o fywyd beunyddiol yn Ne Cymru, mae'n bwysig ein bod yn parhau i weithredu i atal problem rhag codi.

Dim ond lleiafrif o'n poblogaeth y mae troseddau cyllyll effeithio arnynt. Fodd bynnag, gall unrhyw ddigwyddiad yn ymwneud â chyllell arwain at ganlyniadau trychinebus i'r bobl dan sylw.

Ein nod, drwy ein hymgyrch #DdimYrUn, yw addysgu pobl ifanc ynghylch peryglon cario cyllell drwy roi'r adnoddau sydd eu hangen arnynt i rieni, athrawon a grwpiau cymunedol wneud hyn.