Delwyr cyffuriau dosbarth A o Faesteg wedi'u carcharu.

Mae Lewis Sawdon, 30 oed, a Ffion Evans, 24 oed, o Faesteg wedi cael eu carcharu am feddu ar gyffuriau dosbarth A gyda'r bwriad o'u cyflenwi.

Gweithredodd swyddogion warant yn eu cartref ym mis Ionawr 2021 yn dilyn pryderon a godwyd gan y gymuned leol. Cafodd Sawdon ac Evans eu canfod gyda chocên â gwerth stryd o £3,590, a gwerth £2,000 o heroin. Daeth y swyddogion o hyd i glorian gyda gweddillion cyffuriau arni hefyd, a gwerth £580 o arian parod.

Cafodd y pâr eu stopio gan swyddogion unwaith eto ym mis Ebrill 2021, pan gawsant eu gweld yn ymddwyn yn amheus ym Maesteg.

Pan arestiwyd y ddau, roedd ganddynt heroin, arian parod a ffôn symudol. Cynhaliwyd chwiliad pellach yn eu cartref ble darganfuwyd heroin â gwerth stryd o £400 yn ogystal â chlorian a £1100 o arian parod.

Plediodd Sawdon ac Evans yn euog a chawsant eu dedfrydu yr wythnos diwethaf yn Llys y Goron Caerdydd. Cafodd Sawdon ei ddedfrydu i bedair blynedd yn y carchar a bydd Evans yn treulio cyfanswm o 25 mis yn y carchar.

Dywedodd y Rhingyll Richard Lea, “Roedd hwn yn ymchwiliad estynedig a hir iawn i gyflenwi cyffuriau ar Ystad Tudor, mewn ymateb i'r pryderon a godwyd gan y gymuned leol.

Perodd gweithredoedd Sawdon ac Evans gryn bryder i aelodau'r gymuned leol, a bydd y dedfrydau hir yn y carchar y mae'r ddau wedi'u cael yn tawelu eu meddyliau heb os.

Os hoffech roi gwybod i'r Heddlu am unrhyw beth sy'n ymwneud â chyflenwi cyffuriau yn anghyfreithlon, gallwch wneud hynny yn ddienw drwy gysylltu â Crimestoppers ar 0800 555111."