Mae dyn wedi marw yn dilyn digwyddiad mewn tafarn ym Mhencoed, Pen-y-bont ar Ogwr.

Mae dyn 72 oed a gafodd ei gludo i'r ysbyty yn dilyn ymosodiad ym Mhencoed, Pen-y-bont ar Ogwr, ddydd Mawrth 29 Awst, wedi marw.

Mae wedi'i enwi fel Gavin Weekes o Bencoed.

Dywedodd teulu Mr Weekes mewn datganiad: “Fel teulu, rydym wedi cael ein llorio. Hoffem ddiolch i deulu a ffrindiau am eu holl gefnogaeth a negeseuon caredig ar yr adeg hon”.

Mae ditectifs yn parhau i ymchwilio i'r hyn ddigwyddodd yn The Chatterton Arms, Pencoed, am oddeutu 8:30pm nos Fawrth 29 Awst, wrth i'w deulu gael ei gefnogi gan swyddogion arbenigol.

Mae dyn 29 oed wedi cael ei arestio mewn cysylltiad â'r digwyddiad ac ar fechnïaeth yr heddlu wrth i ymchwiliadau fynd rhagddynt.

Dywedodd y Ditectif Brif Arolygydd Matt Davies o Dîm Ymchwilio i Droseddau Mawr Heddlu De Cymru: "Hoffwn gydymdeimlo â theulu Mr Weekes ar yr adeg drist iawn hon.

"Rydym yn parhau i apelio ar unrhyw un a oedd yn y Chatterton Arms ar adeg y digwyddiad ac sydd â gwybodaeth a allai fod o gymorth i'n hymholiadau, i gysylltu â'r heddlu."

Gofynnir i dystion neu unrhyw un sydd â gwybodaeth gysylltu â Heddlu De Cymru drwy un o'r ffyrdd canlynol gan ddyfynnu rhif digwyddiad 2300291285.

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.