Digwyddiad ar Stryd Hansen: Dyn a anafwyd yn marw yn yr ysbyty, a'i deulu yn talu teyrnged iddo.

Cafodd Luke Higgins, 40 oed, ei anafu'n ddifrifol a'i gludo i Ysbyty Athrofaol Cymru, Caerdydd, lle y bu farw ddydd Sadwrn (16 Medi).
Mae dyn wedi marw yn dilyn digwyddiad yn Butetown, Caerdydd, yr wythnos diwethaf.
Cafodd yr heddlu eu galw i adroddiad am ymosodiad difrifol ar Stryd Hansen tua 4.30am ddydd Iau, 14 Medi.
Cafodd Luke Higgins, 40 oed, o Stryd Tyndall, ei anafu'n ddifrifol a'i gludo i Ysbyty Athrofaol Cymru, Caerdydd, lle y bu farw ddydd Sadwrn (16 Medi).
​Mae ei deulu wedi cyhoeddi'r datganiad canlynol:
​“Mae marwolaeth Luke, a oedd yn dad i bedwar ac yn un o naw o blant, wedi bod yn ergyd drom i ni.
​“Roedd Luke yn dad, brawd ac ewythr hoffus, a byddwn yn ei golli'n fawr.”
Cyn marwolaeth Mr Higgins, cafodd David Smith, 43 oed, o Stryd Hansen, ei gyhuddo o achosi niwed corfforol difrifol ddydd Gwener, 15 Medi ac ymddangosodd yn y llys ddydd Sadwrn.
Yn dilyn ei farwolaeth, mae Tîm Ymchwiliadau Mawr Heddlu De Cymru bellach yn cydweithio â Gwasanaeth Erlyn y Goron.
Mae Smith yn cael ei gadw yn y ddalfa a disgwylir iddo ymddangos nesaf gerbron Llys y Goron Caerdydd ddydd Llun, 16 Hydref.
​Mae swyddogion cyswllt â theuluoedd arbenigol yn parhau i gefnogi a rhoi'r wybodaeth ddiweddaraf i deulu Mr Higgins.