Dau unigolyn wedi'u harestio mewn cysylltiad â diflaniad Robert Williams 21 mlynedd yn ôl
Cynnwys y prif erthygl
Mae dau unigolyn wedi cael eu harestio mewn cysylltiad â Robert Williams a ddiflannodd 21 mlynedd yn ôl.
Gwelwyd Robert, o Resolfen, ddiwethaf ar 22 Mawrth 2002, pan oedd yn 15 oed.
Arestiwyd dynes 59 oed a dyn 35 oed yn gynharach y bore ma, ddydd Mawrth 26 Medi, ac ers hynny maent wedi cael eu rhyddhau ar fechnïaeth er mwyn cynnal ymholiadau pellach.
Dywedodd y Ditectif Arolygydd David Butt:
“Mae mam Robert, Cheryl, wedi cael y wybodaeth ddiweddaraf am yr arestiadau hyn ac rydym yn meddwl am deulu Robert yn ystod y cyfnod anodd hwn. Ein blaenoriaeth yw rhoi cefnogaeth iddynt wrth i ni weithio drwy'r llwybr ymholi newydd hwn yn yr ymchwiliad.
"Gofynnwn i chi barchu eu preifatrwydd wrth i'r ymchwiliad fynd yn ei flaen."
Hoffai'r ditectifs glywed gan unrhyw un sydd â gwybodaeth a fydd efallai o gymorth â'u hymoliadau – gellir cysylltu â nhw drwy'r ddolen hon:https://mipp.police.uk/operation/62WH020310C96-PO1
Er mwyn rhoi gwybodaeth yn ddienw, cysylltwch â Crimestoppers ar 0800 555 111 neu drwy'r ddolen hon
https://crimestoppers-uk.org/give-information/forms/pre-form, gan ddyfynnu'r rhif digwyddiad 2300271756.