Wrthdrawiad difrifol yn ardal Ffordd y Gogledd

Mae Heddlu De Cymru yn parhau i ymchwilio i wrthdrawiad difrifol yn ardal Ffordd y Gogledd yn Cathays, Caerdydd, ddoe (Ddydd Mawrth, Mawrth 28)

Cafodd dyn 54 oed ei gludo i Ysbyty Athrofaol Cymru, Caerdydd, lle mae'n parhau i fod mewn cyflwr difrifol wael.

Mae fan wen wedi cael ei hatafaelu i'w harchwilio o leoliad y digwyddiad gan gwmni adfer arbenigol,  ac mae dyn 39 oed wedi cael ei arestio mewn cysylltiad â'r digwyddiad.

Dywedodd y Ditectif Brif Arolygydd Matt Powell o Heddlu De Cymru: “Derbyniodd Heddlu De Cymru adroddiad am 12.49 ddoe fod gyrrwr wedi methu â stopio mewn gwrthdrawiad traffig ffyrdd ar Ffordd y Gogledd, Caerdydd. 

“Gallwn bellach gadarnhau mai fan ddosbarthu oedd y cerbyd a gafodd ei ddwyn ger Laytonia Avenue, a hynny tra roedd y dioddefwr yn dosbarthu parseli ar y stryd.

“Yn ystod y lladrad, credir bod y fan wedi taro'r perchennog, a gafodd wedyn ei gario gan y cerbyd am bellter sylweddol nes iddo ddod i stop ar Ffordd y Gogledd.

“Mae hwn yn ddigwyddiad erchyll, ac rydym yn meddwl am deulu'r dioddefwr sy'n parhau i gael eu cefnogi gan ein swyddogion arbenigol.”

Cafodd Ffordd y Gogledd ei hailagor am tua 9.30pm neithiwr. Diolch i'r modurwyr a'r gymuned leol am eu hamynedd a'u dealltwriaeth wrth i archwiliadau hanfodol gael eu cynnal. Mae ymholiadau o dŷ i dŷ ac archwiliadau o ddeunydd teledu cylch cyfyng yn parhau.

“Hoffwn ddiolch i bawb a stopiodd i geisio helpu'r dioddefwr, ac i'r rheini sydd wedi cysylltu â ni hyd yma gyda gwybodaeth hanfodol. Er bod un dyn wedi cael ei arestio, rydym yn dal i apelio am wybodaeth a thystion,” ychwanegodd DCI Powell.

“Yn benodol, hoffem glywed gan unrhyw un a welodd fan wen Renault Trafic yn cael ei gyrru yn ardal Laytonia Avenue a Ffordd y Gogledd rhwng 12.45pm a 12.50pm, neu sydd â deunydd fideo ohoni."

Gofynnir i dystion neu unrhyw un sydd â gwybodaeth gysylltu â'r heddlu drwy un o'r ffyrdd canlynol gan ddyfynnu rhif digwyddiad 2300099389.

🗪 Sgwrs Fyw (9am-4pm o ddydd Llun i ddydd Gwener) https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.