Dyn o Abertawe'n cael dedfryd estynedig o 10 mlynedd am gyfres o droseddau rhywiol

Mae Harvey Kristian Blyth, 20 oed, o Gorseinon, wedi cael dedfryd estynedig o 10 mlynedd - saith mlynedd a thair ar drwydded - am droseddau megis:

• Treisio
• Datgelu fideo rhywiol preifat
• Meddu ar luniau Dosbarth A
• Meddu ar bornograffi eithafol
• Stelcio
• Trefn gyhoeddus hiliol

Dywedodd y Ditectif Arolygydd Chris Evans:

“Bu dewrder y ddioddefwraig yn anhygoel o'r dechrau i'r diwedd. Hoffwn ddiolch i'r ddioddefwraig am y cryfder a'r dewrder a ddangosodd drwy'r ymchwiliad yn y gobaith y bydd hyn yn darparu rhyw fath o gysur er mwyn iddi allu ailgydio yn ei bywyd.

“Mae Harvey Blyth yn unigolyn peryglus sy'n llawn haeddu'r ddedfryd a roddwyd iddo.

“Mae'r achos hwn yn dangos pa mor ddifrifol y mae Heddlu De Cymru yn delio ag adroddiadau o ymosodiadau rhywiol, sy'n cynnwys rhai a gyflawnir yn erbyn menywod a merched.

"Byddwn yn eich credu chi; byddwn yn eich cefnogi chi ac yn gwneud popeth o fewn ein gallu i ddod â'r troseddwr o flaen ei well.”

Os ydych chi wedi dioddef ymosodiad rhywiol, gallwch ofyn i Ganolfannau Atgyfeirio Ymosodiadau Rhywiol (SARC) arbenigol am help, cyngor a chymorth. Maent wedi'u lleoli ar hyd a lled Cymru ac mae ganddynt feddygon, nyrsys a gweithwyr cymorth wedi'u hyfforddi'n arbennig i ofalu amdanoch.

Mynnwch ragor o wybodaeth am SARCS a chymorth arall sydd ar gael.