Ymchwiliad i lofruddiaeth yn Llangatwg: Enwi'r dioddefwr a chyhuddo dyn
Cynnwys y prif erthygl
Mae dyn 48 oed wedi cael ei gyhuddo o lofruddiaeth ar ôl i gorff gael ei ddarganfod ar Ffordd Beaconsfield, Llangatwg, Castell-nedd ddydd Sul, 7 Mai.
Mae Mathew Pickering, wedi cael ei gyhuddo o lofruddio Georgina Dowey, 46 oed.
Mae Pickering wedi cael ei gadw yn y ddalfa.
Mae teulu Georgina Dowey wedi cael y wybodaeth ddiweddaraf ac yn parhau i gael eu cefnogi gan swyddogion cyswllt teuluol arbenigol.
Dywedodd y Ditectif Brif Arolygydd Matt Powell, yr Uwch-swyddog Ymchwilio: “Rwy'n meddwl am deulu Georgina sydd, yn ddealladwy, wedi'u llorio gan yr hyn sydd wedi digwydd.
“Hoffwn ddiolch i'r gymuned leol a'r tystion am y cymorth y maent wedi ei roi i'r ymchwiliad hyd yma.
“Fodd bynnag, nid ydym yn chwilio am unrhyw un arall mewn cysylltiad â marwolaeth Georgina.
“Mae presenoldeb yr Heddlu wedi cynyddu yn Llangatwg ers dydd Sul, a bydd hyn yn parhau dros y dyddiau nesaf wrth i ymholiadau fynd rhagddynt.”
Gofynnir i unrhyw un sydd â gwybodaeth gysylltu â Heddlu De Cymru gan ddyfynnu rhif digwyddiad 2300147389.