Talu teyrngedau yn dilyn gwrthdrawiad angheuol ym Mhont-y-clun

Mae'r dyn a fu farw yn dilyn gwrthdrawiad traffig ffyrdd ar Heol y Bontfaen, Pont-y-clun, ddydd Mawrth 23 Ebrill wedi'i enwi fel Jason Griffiths, 51 oed, o Faesycwmwr.

Mae teulu Jason wedi talu'r deyrnged ganlynol iddo: “Roedd Jason yn golygu popeth i ni, roedd yn Ŵr, yn Dad, yn Fab, yn Frawd ac yn Dad-cu, ac mae wedi'i gymryd yn rhy gynnar o lawer. Byddi di yn ein calonnau am byth ac ni fyddwn ni byth yn dy anghofio di.

“Ni all dim esbonio'r golled rydym yn ei theimlo nawr.

“Roedd yn berson mor gyfeillgar ac roedd ganddo galon aur. Byddai'n gwneud popeth o fewn ei allu i helpu unrhyw un.

“Bydd ei wraig a'i deulu annwyl yn gweld ei eisiau'n fawr iawn.”

Talodd ei fab Ben deyrnged iddo: “Bydd colled enfawr ar dy ôl, Dad, ac nid oes geiriau i ddisgrifio'r tristwch a'r golled rwy'n eu teimlo yn awr. Mae colli tad cariadus yn sydyn y tu hwnt i eiriau. Byddaf yn dy garu am byth, ac rwy'n gweld dy eisiau'n ofnadwy.”

Dywedodd ei fam, Ann: “Jason, fy machgen i, byddwn ni'n gweld dy eisiau'n ofnadwy. Roeddet ti'n fab, yn frawd ac yn dad cariadus. Roeddet yn garedig ac yn ofalgar, a bydd hiraeth mawr amdanat bob dydd.

Roedd Jason Griffiths yn gweithio fel Cynorthwyydd Cynnal a Chadw yng Ngwesty'r Vale. Dywedodd Stephen Leeke, Rheolwr Gyfarwyddwr Gwesty'r Vale: “Roedd yn sioc ac yn dristwch mawr gennym glywed am ddamwain drychinebus Jason, un o aelodau gwerthfawr ein staff. Rydym yn meddwl am aelodau ei deulu ac yn cydymdeimlo â nhw ar yr adeg anodd hon.”

Mae Heddlu De Cymru yn apelio ar unrhyw un a welodd y gwrthdrawiad neu sydd â fideo o gamera dashfwrdd o'r digwyddiad i gysylltu â ni gan ddyfynnu'r cyfeirnod 2300167626.

Ewch i:

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• E-bostiwch [email protected]
• 101

Ffoniwch 999 bob amser mewn argyfwng.

Neu Crimestoppers yn ddienw ar 0800 555 111