Mae dyn wedi cael ei arestio fel rhan o ymchwiliad i wrthdrawiad traffig ffyrdd angheuol.

Mae dyn 32 oed wedi cael ei arestio fel rhan o ymchwiliad i wrthdrawiad traffig ffyrdd angheuol a ddigwyddodd ar yr A48 yn ardal Llaneirwg, Caerdydd ddydd Sadwrn, 4 Mawrth.

Arestiwyd y dyn ar amheuaeth o yrru'n beryglus a gyrru tra roedd wedi'i wahardd ar yr M4 tua 10pm ar 3 Mawrth. Mae wedi cael ei ryddhau ar fechnïaeth nes y caiff ymholiadau pellach eu gwneud.
Nid yw'r troseddau y mae'r dyn wedi'i arestio amdanynt yn gysylltiedig â'r gwrthdrawiad angheuol a ddigwyddodd am 2.03am ddydd Sadwrn, 4 Mawrth a arweiniodd at farwolaeth y gyrrwr, Rafel Jeanne a'r teithwyr Darcy Ross ac Eve Smith. Mae'r teuluoedd wedi cael gwybod am yr arestiad, ac maent yn parhau i gael cymorth gan swyddogion cyswllt â theuluoedd sydd wedi cael hyfforddiant arbenigol.
Dywedodd y Ditectif Brif Arolygydd Matt Davies o Heddlu De Cymru: “Arestiwyd y dyn o ganlyniad i dystiolaeth a nodwyd gan swyddogion sy'n ymchwilio i'r gwrthdrawiad angheuol ac mae'n ymwneud â'r un cerbyd.
“Mae ein hymchwiliad manwl yn parhau, a bydd hyn yn ein galluogi i ddarparu'r ffeithiau am yr hyn ddigwyddodd yn ystod oriau mân bore dydd Sadwrn, 4 Mawrth.
“Rydym yn parhau i feddwl am y teuluoedd a phawb y mae'r digwyddiad trasig hwn wedi effeithio arnynt.”