Gwrthdrawiad Traffig Ffyrdd yng Nghaerau: enwi'r dioddefwr

Mae'r ferch 15 oed a fu farw yn dilyn gwrthdrawiad traffig ffyrdd a ddigwyddodd yn fuan wedi 9.30pm ddydd Llun, 1 Mai ar Heol Trelai, Caerau yng Nghaerdydd wedi cael ei henwi fel Keely Morgan o Gaerau.

Mae teulu Keely yn cael cymorth gan Swyddog Cyswllt Teuluol ac maent wedi gofyn am breifatrwydd er mwyn dod i delerau â'u galar.

Rydym yn meddwl am deulu Keely yn y cyfnod hwn.

Cafodd dyn lleol, 40 oed, ei arestio ar amheuaeth o achosi marwolaeth drwy yrru heb ofal na sylw priodol ac mae'n parhau yn y ddalfa yng Ngorsaf Heddlu Bae Caerdydd.

Mae Heddlu De Cymru yn parhau i ymchwilio i'r gwrthdrawiad a oedd yn cynnwys Vauxhall Astra du. Mae swyddogion yn apelio ar unrhyw dystion nad ydynt wedi cysylltu eto neu unrhyw un sydd â deunydd fideo camera dashfwrdd neu ddeunydd teledu cylch cyfyng o'r digwyddiad neu o naill ai Keely neu'r car cyn y gwrthdrawiad i gysylltu â nhw, gan ddyfynnu cyfeirnod *140268.

Ewch i:

• Sgwrs Fyw https://www.south-wales.police.uk/cy-GB/
• Ar-lein https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• [email protected]
• 101
• Ffoniwch Crimestoppers yn ddienw ar 0800 555 111