Gwrthdrawiad Traffig Ffordd Wind Street: apêl

Mae Heddlu De Cymru yn ymchwilio i wrthdrawiad traffig ffyrdd a ddigwyddodd ar waelod Wind Street ar Ffordd Victoria (sy'n adnabyddus fel Parêd y Cei), tua 9.35pm neithiwr (nos Wener 19 Mai).

Roedd y gwrthdrawiad yn ymwneud â beic modur a cherddwr.

Aethpwyd â gyrrwr y beic modur, sef dyn 23 oed, i'r ysbyty gyda mân anafiadau, a chafodd ei arestio yn ddiweddarach ar amheuaeth o achosi anaf difrifol drwy yrru'n beryglus.

Aethpwyd â'r cerddwr, sef dyn 20 oed, i'r ysbyty gydag anafiadau sy'n bygwth bywyd.

Dywedodd y Rhingyll Lee Christer:

"Hoffwn ddiolch i'r gymuned leol am ei hamynedd wrth i'r gwasanaethau brys ymateb. Mae'r ffordd wedi'i hailagor.

“Rydym yn ymwybodol o nifer o feiciau modur a oedd yn teithio gyda'i gilydd ar hyd Heol y Mwmbwls cyn y gwrthdrawiad.

“Hoffem glywed gan unrhyw un a all fod wedi gweld y gwrthdrawiad neu y gall fod ganddo fideo o gamera dashfwrdd o'r digwyddiad, neu unrhyw un a welodd y grŵp o feicwyr modur cyn y gwrthdrawiad.

“Gofynnir i unrhyw un sydd â gwybodaeth gysylltu â ni gan ddyfynnu'r rhif cyfeirnod 2300163122."

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.