Marwolaeth Darren Moore: Y wybodaeth ddiweddaraf am fechnïaeth.

Mae dyn 50 oed, a gafodd ei arestio ar amheuaeth o ddynladdiad, bellach wedi cael ei ryddhau ar fechnïaeth nes y caiff ymholiadau pellach eu gwneud.

Mae teulu Darren Moore wedi cael y wybodaeth ddiweddaraf, ac maent yn parhau i gael eu cefnogi gan swyddogion cyswllt â theuluoedd.

Daethpwyd o hyd i Mr Moore, 39 oed o Gasnewydd, mewn lôn ger Windsor Place a Park Lane yng nghanol dinas Caerdydd nos Sul (22 Ionawr).

Cynhaliwyd post-mortem ac mae archwiliadau pellach yn mynd rhagddynt i ganfod achos y farwolaeth.

Dywedodd y Ditectif Brif Arolygydd Paul Raikes o Heddlu De Cymru: “Nid yw'r ymchwiliadau cychwynnol wedi datgelu na chadarnhau unrhyw achos amlwg i'r farwolaeth eto, ond mae ymholiadau helaeth yn parhau i ganfod achos ac amgylchiadau marwolaeth Mr Moore.

"Hoffwn eto hefyd ofyn yn barchus i bobl ymatal rhag dyfalu beth sydd wedi digwydd ar y cyfryngau cymdeithasol a gadael i ymchwiliad yr heddlu fynd rhagddo'n ddirwystr."

Gofynnir i unrhyw un sydd â gwybodaeth gysylltu â Heddlu De Cymru gan ddyfynnu cyfeirnod 2300022718 drwy un o'r dulliau canlynol:

🗪 Sgwrs Fyw (9am-4pm, o ddydd Llun i ddydd Gwener) https://www.south-wales.police.uk/

💻 Cysylltwch â ni drwy https://bit.ly/SWPProvideInfo

📧 E-bostiwch [email protected]