Carcharu dyn yn dilyn gweithgarwch rhywiol gyda phlentyn

Dedfrydwyd Jean Cardelli, 39 oed, yn Llys y Goron Casnewydd ddoe (dydd Mawrth 31 Ionawr) i gyfanswm o chwe blynedd ac wyth mis am gymryd rhan mewn gweithgarwch rhywiol gyda phlentyn.

Fe wnaeth Cardelli feithrin perthynas amhriodol a cham-drin merch 15 oed o Gaerdydd ar ôl cyfarfod â'r dioddefwr yn flaenorol tra ar wyliau yn Sbaen. Plediodd Cardelli yn euog i bedwar achos o weithgaredd rhywiol gyda phlentyn a thri achos o feddu ar ddelweddau anweddus o blant.

Ym mis Medi 2022 cysyltodd mam y dioddedfwr â’r heddlu gyda phryderon bod dyn hŷn yn camfanteisio ar ei merch.

Datgelodd ymchwiliadau fod y dioddefwr, 15 oed, wedi cwrdd â Jean Cardelli tra ar wyliau yn Sbaen, a'i fod wedi meithrin perthynas amhriodol ar-lein wedyn gyda'r plentyn. Teithiodd Cardelli, yn wreiddiol o'r Eidal, bellach yn byw yn Sbaen, i'r DU i gwrdd â'r dioddefwr.

Tra yng Nghaerdydd, cyfarfu â'r dioddefwr a mynd â a hi i lety Airbnb, lle bu'r ddau yn cymryd rhan mewn gweithgaredd rhywiol ar sawl achlysur. Ffilmiodd Cardelli'r troseddau a gyflawnodd.

Fe ddaethpwyd o hyd iddo yn ddiweddarach mewn cyfeiriad yng ngogledd Caerdydd, lle cafodd ei arestio.

Dywedodd y Swyddog Ymchwilio y Ditectif Gwnstabl, Simon Thomas:

"Roedd hwn yn ymchwiliad herior a hoffwn dalu teyrnged i'r dioddefwr am ei dewrder wrth iddi gefnogi'r ymchwiliad. Sicrhawyd tystiolaeth arloesol ar ffôn symudol Cardelli tra roedd yn y ddalfa.

"Yn dilyn ei gyhuddo, gwnaethom barhau i gefnogi ac ymgysylltu â'r dioddefwr. Caniataodd i'r ymchwilwyr gael mynediad i'w chyfrif Snapchat preifat a gafodd effaith sylweddol ar ganlyniad yr ymchwiliad.

“Yn amlwg, mae Cardelli yn unigolyn peryglus, ac rwy’n falch ein bod wedi gallu sicrhau euogfarn i’r dioddefwr a’i theulu.”