Croeso i'n dau Brif Gwnstabl Cynorthwyol newydd
Cynnwys y prif erthygl
Llongyfarchiadau a chroeso i ddau o'n Prif Gwnstabliaid Cynorthwyol newydd, Jo Maal a Wendy Gunney.
Ymunodd Jo a Wendy â'n tîm Prif Swyddogion yr wythnos hon, gan gymryd lle ACC Jenny Gilmer ac ACC Andy Valentine, yn y drefn honno.
Jo yw ein Pennaeth Plismona Tiriogaethol newydd, sy'n arwain y timau sy'n darparu gwasanaethau ymateb, cymdogaeth ac ymchwiliol yn ein cymunedau.
Mae Wendy yn ymgymryd â rôl Prif Gwnstabl Cynorthwyol Cymru Gyfan, sy'n gyfrifol am Plismona Gwrthderfysgaeth Cymru, Uned Troseddau Cyfundrefnol Rhanbarthol De Cymru Tarian a rhaglen Cydweithrediad Heddlu Cymru.
Mae'r ddau yn wynebau cyfarwydd iawn i ni yma yn #TîmHDC, am fod Jo wedi gwasanaethu'n flaenorol fel Pennaeth Cymunedau, Partneriaethau a Chydlyniant, a Wendy fel comander ar gyfer Uned Reoli Sylfaenol Caerdydd a'r Fro.
Hoffem hefyd ddymuno'n dda i ACC Gilmer, sy'n ymuno â Chyngor Cenedlaethol Prif Swyddogion yr Heddlu ar secondiad, ac i ac ACC Valentine, sy'n symud i'r Heddlu Metropolitanaidd.