Ynysybwl Road, Pontypridd – apêl yn dilyn gwrthdrawiad angheuol

Mae Heddlu De Cymru yn ymchwilio i wrthdrawiad traffig ffordd a ddigwyddodd ar y B4273, Ffordd Ynysybwl, Pontypridd, am 6.30pm ddoe (dydd Gwener 27 Ionawr).

Roedd Ford Focus du a tri cerddwr yn rhan o'r gwrthdrawiad.

Er gwaethaf ymdrechion gorau'r gwasanaethau brys, bu farw dau gerddwr, dyn a dynes, y ddau yn 32 mlwydd oed o Bontypridd, ar y safle.

Cafodd y trydydd cerddwr, sef dyn 36 oed o Lantrisant, ei gludo i'r ysbyty lle cafodd ei drin am fân anafiadau.

Rydym yn parhau i feddwl am deulu a ffrindiau'r dyn a'r ddynes. Mae eu perthnasau agosaf wedi cael gwybod ac yn cael cymorth gan swyddogion.

Mae'r B4273, Ffordd Ynysybwl o Cefn Close i Lôn/Ffordd Daren yn dal ar gau.

Hoffem ddiolch i'r gymuned leol am ei hamynedd a'i dealltwriaeth yn ystod y cyfnod hwn.

Mae swyddogion yn apelio ar unrhyw un a all fod wedi gweld y gwrthdrawiad, neu sydd â theledu cylch cyfyng neu fideo camera dashfwrdd a all fod wedi recordio'r digwyddiad, i gysylltu â nhw drwy un o'r ffyrdd canlynol gan ddyfynnu'r rhif digwyddiad 2300028708.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• E-bost [email protected]
• 101

Ffoniwch 999 bob amser mewn argyfwng.