Ymosodiad yn Abertawe, dyn mewn cyflwr difrifol wael

Mae dyn mewn cyflwr difrifol wael yn dilyn ymosodiad yn ardal Hafod yn Abertawe.

Cafodd y gwasanaethau brys eu galw i Stryd y Bont ger Tafarn y Villers Arms tua 6.45pm nos Sadwrn, 21 Hydref – yr un diwrnod a gêm bêl-droed Dinas Abertawe yn erbyn Caerlŷr yn Stadiwm Swansea.com.

Ymosodwyd ar ddyn 26 oed ar y stryd gan ddyn anhysbys a oedd yn rhan o grŵp mwy o ddynion.

Dywedodd y Ditectif Arolygydd Chris Evans, o Heddlu De Cymru: "Gwrthododd y dioddefwr gael sylw meddygol ar y pryd yn Abertawe ac aeth adref i Firmingham. 

"Yn anffodus, aeth yn wael iawn yn hwyrach, cwympodd, a chafodd ei gludo i'r ysbyty lle mae'n parhau i fod mewn cyflwr difrifol wael.

"Mae ymholiadau helaeth yn parhau i ganfod yr unigolyn sydd dan amheuaeth a’r grŵp yr oedd gyda nhw, ond gofynnir i unrhyw un sydd â gwybodaeth gysylltu â'r Heddlu."

Gofynnir i dystion neu unrhyw un sydd â gwybodaeth neu ddeunydd fideo gysylltu â Heddlu De Cymru drwy un o'r ffyrdd canlynol gan ddyfynnu'r rhif cyfeirnod 2300358686.

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.