Teyrngedau i ddioddefwr gwrthdrawiad ym Mhontypridd

Mae beiciwr a fu farw mewn gwrthdrawiad traffig ffyrdd ddydd Iau 21 Medi ar Ffordd Pen-y-Wal, Pontypridd, wedi cael ei enw fel John Symmonds, 92 oed o Graigwen, Pontypridd.

Mae merched John Symmonds wedi talu'r deyrnged ganlynol:

“Bydd y ddwy ohonom a'r teulu cyfan, yn ogystal â'r nifer mawr o ffrindiau a wnaeth drwy gydol ei fywyd, yn colli dad yn fawr.

Rydym yn ddiolchgar iawn am yr holl gefnogaeth ac mae'r holl eiriau caredig rydym wedi'u derbyn yn gysur mawr i ni.

Hoffem ddiolch i'r holl wasanaethau brys a geisiodd helpu dad ar safle'r gwrthdrawiad, ond hoffem ddiolch yn benodol i staff Ward 8 yn Ysbyty Tywysog Siarl, Merthyr am eu gofal a'u tosturi.

Gofynnwn nawr i bobl barchu ein preifatrwydd a rhoi amser a chyfle i ni alaru. Byddwn yn cyhoeddi dyddiad/amser ar gyfer yr angladd maes o law, unwaith y cawn wybod.

Nos da dad. Gorffwys mewn hedd.”

Mae Heddlu De Cymru yn parhau i apelio i'r rhai a welodd y gwrthdrawiad a gofynnir i unrhyw un sydd â gwybodaeth gysylltu â ni gan ddyfynnu rhif cyfeirnod 2300320217.

• Sgwrs Fyw https://www.south-wales.police.uk/cy-GB
• E-bost [email protected]
• 101