Swyddogion yng Nghaerdydd yn cael pwerau ychwanegol i ymdrin ag unrhyw un sy'n gysylltiedig ag ymddygiad gwrthgymdeithasol

Mae gorchymyn gwasgaru 48 awr, sydd wedi'i roi dan Adran 35 o Ddeddf Ymddygiad Gwrthgymdeithasol, Troseddu a Phlismona 2014, ar waith o hanner nos heno ymlaen (Dydd Mercher, 25 Hydref) hyd at hanner nos ddydd Gwener, 27 Hydref yn ardal Adamsdown.

O dan Adran 35 o'r Ddeddf, gall swyddogion yr heddlu gyfarwyddo unrhyw un sy'n achosi aflonyddwch, codi ofn neu achosi trallod, neu'n debygol o'u hachosi, i adael yr ardal sydd wedi'i nodi ar y map.

Bydd ganddynt hefyd y pŵer i atafaelu unrhyw eiddo y mae swyddogion yn amau sy'n cael ei ddefnyddio i achosi ymddygiad gwrthgymdeithasol.

Mae'r gorchymyn yn fesur ataliol yn dilyn adroddiadau cynyddol o ymddygiad gwrthgymdeithasol, delio mewn cyffuriau a defnyddio cyffuriau yn Adamsdown.

Dywedodd yr Arolygydd Gerallt Hughes, o Heddlu De Cymru: "Mae'r gorchymyn gwasgaru ar waith am y 48 awr nesaf fel mesur ataliol.

"Bydd gennym bresenoldeb uwch yn Adamsdown ac ni fydd swyddogion yn ymatal rhag rhoi'r pwerau ychwanegol a roddwyd iddynt ar waith, er mwyn cadw'r gymuned yn ddiogel.

“Rydym yn annog rhieni a gwarcheidwad i siarad â'u pobl ifanc am beidio ag ymddwyn yn wrthgymdeithasol.”

Mae Heddlu De Cymru yn parhau i wrthod goddef achosion o ddelio mewn cyffuriau.

Gofynnir i unrhyw un sydd â gwybodaeth neu bryderon am hyn i gysylltu â Heddlu De Cymru drwy un o'r ffyrdd canlynol, gan ddyfynnu'r rhif cyfeirnod 2300363333.

Sgwrs Fyw https://www.south-wales.police.uk/cy-GB/

Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

E-bost [email protected]

101

Ffoniwch 999 bob amser mewn argyfwng