Fan waith yn cael ei dwyn yn Gabalfa, Caerdydd.

Cynghorir gyrwyr faniau a gyrwyr danfon nwyddau o amgylch Caerdydd i fod yn wyliadwrus yn dilyn y digwyddiad hwn a digwyddiadau tebyg diweddar.

Mae Heddlu De Cymru yn ymchwilio i achos o ddwyn fan waith yn Gabalfa, Caerdydd.

Am tua 12.35pm heddiw (dydd Mawrth, 31 Hydref), rhoddwyd gwybod i ni fod fan wedi'i dwyn gan yrrwr ar Heol y Gogledd, ger Cyfnewidfa Gabalfa.

Daethpwyd o hyd i'r fan yn Heol Ty'n y Parc, Rhiwbeina, o fewn awr iddi gael ei dwyn.

Yn ffodus, ni chafodd unrhyw un ei anafu, ac mae ymholiadau yn parhau i arestio'r unigolyn dan amheuaeth.

Cynghorir gyrwyr faniau a gyrwyr danfon nwyddau o amgylch Caerdydd i fod yn wyliadwrus yn dilyn y digwyddiad hwn a digwyddiadau tebyg diweddar.

• Cafodd cerbydau danfon nwyddau eu dwyn yn Trowbridge ar 20 Hydref ac yn Nhremorfa ar 22 Hydref; ar y ddau achlysur, roedd yr allweddi wedi'u gadael yn y cerbydau wrth i'r gyrrwr ddanfon nwyddau.
• Ar 22 Hydref, cafwyd gwybodaeth am grŵp o ddynion a oedd yn ymddwyn yn amheus ger cerbydau danfon nwyddau yn Cathays.
• Cadwch lygad am yrwyr danfon nwyddau lleol a rhowch wybod i'r heddlu am ymddygiad amheus cyn gynted â phosibl.

Gofynnir i'r rhai a welodd y digwyddiad yn Gabalfa neu unrhyw un sydd â gwybodaeth neu ddeunydd fideo gysylltu â Heddlu De Cymru drwy un o'r ffyrdd canlynol gan ddyfynnu'r rhif cyfeirnod 2300370985.

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.