Mae swyddogion yng Nghaerdydd wedi cael pwerau ychwanegol i ymdrin ag unrhyw un sy'n gysylltiedig ag ymddygiad gwrthgymdeithasol.

Mae gorchymyn gwasgaru, sydd wedi'i roi dan Adran 35 o Ddeddf Ymddygiad Gwrthgymdeithasol, Troseddu a Phlismona 2014, ar waith mewn tair ardal yn Llanrhymni o 3pm heddiw (Dydd Gwener, 27 Hydref) tan 3am ddydd Sul, 29 Hydref.

O dan Adran 35 o'r Ddeddf, gall swyddogion yr heddlu gyfarwyddo unrhyw un sy'n achosi aflonyddwch, codi ofn neu achosi trallod, neu'n debygol o'u hachosi, i adael yr ardal sydd wedi'i nodi ar y mapiau.

Bydd ganddynt hefyd y pŵer i atafaelu unrhyw eiddo y mae swyddogion yn amau sy'n cael ei ddefnyddio i achosi ymddygiad gwrthgymdeithasol.

Mae'r gorchymyn yn fesur ataliol yn dilyn adroddiadau cynyddol o ymddygiad gwrthgymdeithasol.

Gofynnir i unrhyw un sydd â gwybodaeth neu bryderon am hyn i gysylltu â Heddlu De Cymru drwy un o'r ffyrdd canlynol, gan ddyfynnu'r rhif cyfeirnod 2300365953.

Sgwrs Fyw https://www.south-wales.police.uk/cy-GB/

Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

E-bost [email protected]

101

Ffoniwch 999 bob amser mewn argyfwng