Deliwr cyffuriau o Drelái, Caerdydd wedi cael ei garcharu.

 

Daeth swyddogion o hyd i glorian bwyso, seloffen a 120g o grac cocên, a oedd ar fin cael ei paratoi ar gyfer delio ar y stryd, yng nghegin Ryan Robbins.

Gweithredodd swyddogion warant yng nghyfeiriad cartref Ryan Robbins brynhawn dydd Gwener, 15 Medi.

Yn y gegin, daeth swyddogion o hyd i glorian bwyso, seloffen a 120g o grac cocên, a oedd ar fin cael ei baratoi ar gyfer delio ar y stryd.

Gwerth stryd amcangyfrifedig y crac cocên oedd rhwng £6,000 a £7,260.

Cafodd ffôn symudol â negeseuon arno yn hysbysebu argaeledd cyffuriau Dosbarth A, hefyd ei atafaelu.

Cafodd Robbins, 37 oed, o Red House Crescent, ei arestio a'i gyhuddo o fod â chrac cocên yn ei feddiant gyda'r bwriad o'i gyflenwi, ac am ymwneud â chyflenwi heroin a chrac cocên.

Plediodd yn euog a thair wythnos yn ddiweddarach, ddydd Iau 5 Hydref, yn Llys y Goron Caerdydd, cafodd ei ddedfrydu i bedair blynedd yn y carchar.

Mae gan Heddlu De Cymru ddull gweithredu dim goddefgarwch at ddelio cyffuriau, a dim ond un enghraifft yw'r achos hwn o'r ffordd rydym yn mynd i'r afael ag achosion o ddelio cyffuriau yn y gymuned.

Gallwn weithredu ar y wybodaeth a gawn gan y cyhoedd, ac rydym yn gwneud hynny'n rheolaidd, felly parhewch i gysylltu â ni.

Anogir unrhyw un sydd ag amheuon neu wybodaeth am achosion o ddelio mewn cyffuriau anghyfreithlon i gysylltu â ni.

• Sgwrs Fyw https://www.south-wales.police.uk/cy-GB/
• Rhoi gwybod ar-lein https://www.south-wales.police.uk/cy-GB/riportio/riportio
• E-bost [email protected]
• 101

Ffoniwch 999 bob amser mewn argyfwng.