Cofio Aberfan
Cynnwys y prif erthygl
PWYSIG: Mae'r fideo hwn yn ymdrin â phwnc sensitif a all beri gofid i rai gwylwyr, felly fe'u cynghorir i'w wylio yn ôl eu disgresiwn.
Roedd Jeff Edwards yn 8 oed ar y pryd, ac yn un o'r plant ysgol a gafodd eu hachub.
Yn y fideo byr hwn, mae Jeff yn cofio'r hyn a ddigwyddodd y diwrnod hwnnw a'r effaith y mae'r trychineb wedi'i chael arno ef a chymuned glos Aberfan. Mae hefyd yn talu teyrnged i'r gwasanaethau brys, y glowyr a'r cymunedau a fu mor ddewr yn ystod yr oriau a'r diwrnodau yn dilyn y trychineb.
Yn y fideo, rydym hefyd yn clywed gan y cyn Gwnstabl Hubert Thomas a gafodd, fel nifer o swyddogion eraill yr heddlu, ddyletswyddau i'w cyflawni.
Bron chwe degawd ers Trychineb Aberfan, rydym yn cofio am y rhai a fu farw, ac yn meddwl am gymuned Aberfan a'r rhai a gollodd anwyliaid.
Ni chaiff y dioddefwyr fyth eu hanghofio.
Mae Heddlu De Cymru yn annog unrhyw un sydd wedi’i effeithio gan brofiad trawmatig i geisio cymorth trwy gysylltu â sefydliadau fel y Samaritans, Mind a CALM.