Ysbeiliwr arfog wedi ei garcharu am un mlynedd ar ddeg a hanner
Cynnwys y prif erthygl
Mae Anton Jones wedi cael ei garcharu am un mlynedd ar ddeg a hanner yn dilyn y digwydd yn siop Betfred yng nghanol tref Merthyr Tudful.
Ym mis Ebrill, aeth Jones, 46 oed, i mewn i'r siop gan orchuddio ei wyneb â balaclafa, gyda chyllell fara wyth modfedd wedi ei chuddio yn llawes ei siaced. Gan ei fod yn gwsmer rheolaidd yno, penderfynodd beidio â siarad yn fwriadol wrth fynnu arian, gan y byddai'r staff ar ddyletswydd wedi adnabod ei lais yn hawdd. Cafodd tua £600 ei ddwyn.
Yn dilyn ymchwiliadau helaeth o ddeunydd CCTV, sefydlwyd y llwybr a gymerodd Jones i gyrraedd a gadael y siop. Ac yn fuan wedyn, daeth yr heddlu o hyd i'r dillad a wisgwyd gan Jones wedi eu cuddio mewn isdyfiant ar lan Afon Taf.
Atafaelwyd y dillad a chafodd yr eitemau eu harchwilio'n fforensig, gan ddangos bod DNA Jones ar y dillad.
Dywedodd y Ditectif Gwnstabl Paul Bishop:
"Mae Jones yn droseddwr rheolaidd, gyda phedwar euogfarn am achosion o ladrata drwy fygwth â chyllell yn y gorffennol.
"Roedd hwn yn ymdrech tîm i ddod â throseddwr peryglus, nad oedd yn malio dim a wnaeth, gerbron y llys, ble nad oedd ganddo unrhyw ddewis ond pledio'n euog o ystyried pwysau'r dystiolaeth a oedd yn ei erbyn."