1,000 o blanhigion wedi eu hatafaelu mewn ffatri canabis o bwys ym Mhontypridd.

Ddydd Gwener, cynhaliwyd gwarant gan swyddogion mewn uned ar Ystâd Ddiwydiannol Trefforest, yn dilyn gweld delweddau thermol a dynnwyd gan ddrôn heddlu a arweiniodd at y warant.

Daethpwyd o hyd i bedwar dyn y tu mewn i'r uned, a geisiodd guddio yn yr atig ond daeth y swyddogion o hyd iddynt a'u dal gyda chymorth un o gwn yr heddlu.

Roedd y warws wedi cael ei droi i mewn i ddwy ystafell fawr a oedd yn cynnwys 956 o blanhigion canabis, ac roedd ystafelloedd eraill wedi cael eu paratoi yn barod ar gyfer dal mwy o blanhigion canabis. Roedd gwerth amcangyfrifedig i'r planhigion o fwy na £1 miliwn.

Mae'r pedwar dyn wedi cael eu cyhuddo a'u cadw yn y ddalfa, a byddant yn ymddangos gerbron Llys Ynadon Merthyr Tudful heddiw.

Dywedodd y Ditectif Brif Arolygydd Dean Taylor, "Roedd hwn yn atafaeliad enfawr, ac arweiniodd ein cuddwybodaeth dron arbenigol at ddatgelu'r gweithgaredd anghyfreithlon hwn a oedd ar raddfa enfawr.

Drwy amharu ar y llinellau cyflenwi a thynnu'r rheini a oedd yn rhan o hynny allan, gallwn wneud cymunedau De Cymru yn fwy diogel.

Mae i'r math hwn o droseddu â chyffuriau ddioddefwyr a chaiff effaith ddinistriol ar gymunedau a phobl sy'n agored i niwed.

Gallwn ond gwneud hyn gyda'r gefnogaeth a'r wybodaeth a gawn gan y cyhoedd, felly hoffwn annog unrhyw un sydd â gwybodaeth am ddelio â chyffuriau yn eu cymuned i'n ffonio ar 101, byddwm yn cymryd pob darn o wybodaeth o ddifrif, am ei fod yn bwysig.