Tri dyn wedi'u harestio fel rhan o ymchwiliad parhaus i achos o gamfanteisio’n rhywiol ar blant
Cynnwys y prif erthygl
Cafodd tri dyn eu harestio'r wythnos diwethaf fel rhan o ymchwiliad parhaus i achos o gamfanteisio’n rhywiol ar blant.
Gweithredwyd gwarantau mewn pedwar cyfeiriad yn ardaloedd Porthcawl a'r Pîl o dan arweiniad tîm camfanteisio Heddlu De Cymru a gyda chefnogaeth timau yn y gymdogaeth, troseddau cyfundrefnol a chymorth tiriogaethol.
Cafodd dynion 24, 35 a 32 oed eu harestio ar amheuaeth o fasnachu pobl a chyflawni troseddau rhywiol a throseddau yn ymwneud â chyffuriau, ac atafaelwyd swm mawr o arian parod a phowdr. Mae profion fforensig yn cael eu cynnal ar y sylwedd.Cafodd nifer o ffonau symudol eu hatafaelu hefyd ac maen nhw'n cael eu harchwilio gan ein Huned Fforenseg Ddigidol a Seiberdroseddu ar hyn o bryd.
Mae'r tri wedi cael eu rhyddhau ar fechnïaeth amodol tra gwneir ymholiadau pellach.
Rydym yn ymrwymedig i fynd i'r afael ag achosion o gamfanteisio'n rhywiol ar blant, gan ddwyn y rhai sy'n gyfrifol o flaen eu gwell a diogelu dioddefwyr.