Dedfrydu dau ddeliwr cyffuriau o Gaerdydd a fu'n byw bywyd moethus.

Cafodd Powell, 28 oed o Radur, ei ddedfrydu i bedair blynedd ac wyth mis, a chafodd Lima, 29 oed o Butetown, ei ddedfrydu i bedair blynedd a chwe mis yn y carchar.

Ym mis Awst 2022 cafodd Lima a Powell eu gweld yn cyrraedd bloc o fflatiau gyda'i gilydd ar Rutland Street, Caerdydd. Aethant i mewn ac allan o'r fflatiau yn gyflym a chawsant eu gweld yn gadael ar wahân. Cafodd Powell ei ddal gan yr heddlu funudau yn ddiweddarach.

Daethpwyd o hyd i gilo o gocên, gwerth rhwng £44,000 a £74,500, a £1500 mewn arian parod yn ei gyfeiriad. Ychydig yn ddiweddarach cafodd Lima ei weld yn gadael ei gar, a oedd yn cynnwys peiriant cyfrif arian parod a £1990 mewn arian parod.

Cafodd Lima ei arestio y diwrnod wedyn mewn cyfeiriad yn y Rhath lle roedd yn ymddangos fel pe bai'n paratoi i ffoi o'r wlad. Roedd ganddo bron i £4000 a chês yn llawn dillad drud.

Datgelodd yr ymchwiliad fod Lima wedi bod yn byw bywyd moethus a chadarnhaodd ei fod wedi talu dros £28,000 mewn arian parod i'w landlord am eiddo ym Mae Caerdydd. Pan chwiliwyd ei gyfeiriad, daethpwyd o hyd i fwy o ddillad drud gwerth £10,000. Darganfu'r swyddogion ymchwilio fod Lima hefyd wedi bod yn mynd ar deithiau rheolaidd i westai drud yn Sbaen a Dubai a'i fod wedi talu miloedd o bunnoedd am lawfeddygaeth gosmetig yn Nhwrci.

Plediodd y ddau ddyn yn euog ac fe'u dedfrydwyd ar 23 Mawrth 2023.