Llofruddiaeth Abertawe - Enwi'r unigolyn a fu farw
Cynnwys y prif erthygl
Mae Heddlu De Cymru yn parhau i ymchwilio i lofruddiaeth dyn 61 oed yn Orchard Court, Abertawe.
Enw'r dyn oedd David Green. Mae aelodau o deulu David yn cael eu cefnogi gan swyddogion sydd wedi'u hyfforddi'n arbenigol ac maent wedi gofyn am breifatrwydd ar hyn o bryd.
Mae dyn 38 oed wedi cael ei arestio ar amheuaeth o lofruddiaeth. Mae yn y ddalfa o hyd yng ngorsaf heddlu Canol Abertawe.
Dywedodd y Ditectif Brif Arolygydd Matt Powell o'r Tîm Ymchwilio i Droseddau Mawr:“Hoffwn ddiolch i aelodau o'r cyhoedd sydd wedi cysylltu â ni eisoes i gefnogi'r ymchwiliad.
“Rydym yn parhau i apelio am dystion a allai fod wedi bod gyda David, gweld David, neu sy'n gwybod unrhyw beth am leoliad David rhwng dydd Mercher 5 Ebrill a dydd Sul 9 Ebrill 2023, gan gynnwys unrhyw drefniadau i gwrdd â David y gwnaeth eu canslo neu na wnaeth fynd iddynt.
Cysylltwch â Heddlu De Cymru gan ddyfynnu'r cyfeirnod 2300112785 os oes gennych unrhyw wybodaeth."