Hysbysiad o ganlyniad gwrandawiad camymddwyn

Manylion a chanlyniadau gwrandawiad camymddwyn:

Ar 27 Mawrth 2023 trefnwyd gwrandawiad camymddwyn er mwyn delio â honiadau yn erbyn y Cyn Gwnstabl Julian John lle asesodd yr Awdurdod Priodol (AP) eu bod yn gyfystyr â chamymddwyn difrifol.

Cafodd y gwrandawiad ei gynnal yn unol â Rheoliadau (Ymddygiad) yr Heddlu 2012 (PCR 2012).

Cynhaliwyd y gwrandawiad yng Nghanolfan Dechnoleg Waterton, Pen-y-bont ar Ogwr.

Roedd y Panel gwrando yn cynnwys Cadeirydd â Chymwysterau Cyfreithiol (LQC), Mr Callum Cowx, Aelod o Banel yr Heddlu (PPM), yr Uwch-arolygydd Marc Attwell o Heddlu De Cymru (HDC), ac Aelod Panel Annibynnol (IPM), Mr Malcolm Gay.

Cafodd yr AP ei gynrychioli gan y cwnsler Mr Barney Branston.

Cafodd y swyddog ei gynrychioli gan y Cwnstabl Leigh Godfrey o Ffederasiwn yr Heddlu.

Mynychodd y Cyn Gwnstabl John ddiwrnod cyntaf y gwrandawiad yn unig a rhoddodd dystiolaeth.

Cyn y gwrandawiad terfynol, cytunwyd rhwng y partïon nad oedd angen i dystion roi tystiolaeth.

Daeth y gwrandawiad i ben ar 29 Mawrth 2023.

 

Honiadau, canfyddiadau a chanlyniadau:

Roedd honiadau 1 a 2 yn ymwneud â'r Cwnstabl John yn cyflwyno manylion gweithdrefnau anadliadur a gynhaliodd, y profwyd eu bod yn anghywir. Roedd honiad 2 yn gyfystyr â chamymddwyn difrifol, ni phrofwyd y llall.

Honiad 3 oedd iddo ffurfio cyfeillgarwch/perthynas â dynes a oedd yn agored i niwed yr ystyriwyd i hynny fod yn amhriodol. Roedd yr ymddygiad a ddisgrifiwyd yn yr honiad hwn, a gafodd ei brofi, mor ddifrifol fel y gellid cyfiawnhau diswyddo o bosibl ac roedd felly yn gamymddwyn difrifol.

Honiad 4 oedd i'r cyn swyddog ddefnyddio system gyfrifiadurol yr heddlu i gynnal gwiriadau ar y ddynes ac aelodau eraill o'i theulu. Ni chafodd hyn ei brofi.

Y canlyniad y penderfynwyd arno gan y panel oedd y byddai'r Cwnstabl John wedi cael ei  ‘Ddiswyddo heb rybudd petai'n dal yn  swyddog a oedd yn gwasanaethu’.