Dyn wedi ei arestio ar amheuaeth o lofruddiaeth yn Abertawe

Mae Heddlu De Cymru yn ymchwilio i farwolaeth dyn 61 oed yn Abertawe.

Aeth yr Heddlu i eiddo yn Orchard Court ar New Orchard Street, yng Nghanol Dinas Abertawe, am 12.45pm ddydd Sul 9 Ebrill.

Mae dyn 38 oed wedi cael ei arestio ar amheuaeth o lofruddiaeth, ac mae yn nalfa'r heddlu o hyd.

Mae teulu'r dyn 61 oed yn cael ei gefnogi gan swyddogion sydd wedi'u hyfforddi'n arbenigol a disgwylir i broses adnabod ffurfiol ddigwydd.

Dywedodd y Ditectif Brif Arolygydd Matt Powell o'r Tîm Ymchwilio i Droseddau Mawr "er bod unigolyn dan amheuaeth wedi cael ei arestio, rydym ar gamau cynnar yr ymchwiliad o hyd. Rwy'n apelio ar unrhyw un sy'n byw yng nghymuned New Orchard Street, neu gerllaw, ac a all fod â gwybodaeth ynghylch y digwyddiad hwn i gysylltu â Heddlu De Cymru gan ddyfynnu rhif digwyddiad 2300112785"

Sgwrs Fyw (9am-4pm o ddydd Llun i ddydd Gwener) https://www.south-wales.police.uk/cy-GB/ 

Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

E-bostiwch [email protected]

101 

Ffoniwch 999 bob amser mewn argyfwng.