Diweddariad - Datganiad ar Ddigwyddiad ar Ystad Ddiwydiannol Cynffig

Mae'r Gwasanaethau Brys a phartneriaid lleol yn dal ar safle digwyddiad cerddoriaeth heb ei drwyddedu ar Ystad Ddiwydiannol Cynffig.

Mae un person arall wedi cael ei gludo i'r ysbyty gydag anafiadau nad ydynt yn ddifrifol. Mae nifer bach o gerbydau a phobl yn dal yno.

Dywedodd y Prif Gwnstabl Cynorthwyol Mark Travis "Rydym yn gweithio gyda'r rheini sy'n bresennol ar safle'r digwyddiad i sicrhau eu bod yn gwneud eu ffordd o'r safle yn ddiogel, gan barchu'r trigolion lleol ar yr un pryd. Mae’r digwyddiad bellach yn dod i'w derfyn ac mae’r rhai a fu yno wedi bod yn gadael drwy gydol y prynhawn.”

“Rydym wedi gweithio gydag asiantaethau partner i sicrhau bod y rhai sydd angen help wedi cael cymorth. Mae’n siomedig ar un o ddiwrnodau prysuraf y flwyddyn bod cymaint o adnoddau wedi’u dargyfeirio o gefnogi cymunedau lleol i reoli digwyddiad anghyfreithlon.”

"Hoffwn ddiolch i'r gymuned leol am eu hamynedd a'u cefnogaeth".