Gwrthdrawiad angheuol ar yr M4: Teyrnged gan y teulu

Mae'r dyn a fu farw yn dilyn gwrthdrawiad traffig ffyrdd ar draffordd yr M4 ddydd Llun 17 Ebrill, wedi'i enwi'n Mathew Paul Sweeney, 44 oed, o Danescourt yng Nghaerdydd.

Mae partner Mathew, Alex James, wedi talu'r deyrnged ganlynol iddo:

“Mae marwolaeth sydyn Mathew wedi bod yn ysgytwad mawr i ni. Roedd yn ddyn preifat, ac yn ddyn teulu ffyddlon i'r carn. Roedd yn bartner cariadus, ac yn dad a mab balch. Bydd pawb a oedd yn ei adnabod yn gweld ei eisiau am byth.

“Fel teulu hoffem ddiolch i bawb yn safle'r digwyddiad a stopiodd i gynnig helpu. Rhaid sôn yn arbennig am y gwasanaethau brys a oedd wedi ymateb ac wedi gwneud eu gorau glas i'w helpu.

“Yr hyn sydd ei angen arnom nawr fel teulu yw amser a lle i geisio prosesu'r hyn sydd wedi digwydd a gofynnwn yn barchus ein bod yn cael y cyfle i wneud hynny.”

Mae Heddlu De Cymru yn parhau i ymchwilio i'r gwrthdrawiad a ddigwyddodd tua 2.30pm ar 17 Ebrill rhwng cyffyrdd 36 a 37, pan darodd fan Mercedes Sprinter i mewn i'r llain ganol.

Gofynnir i unrhyw un a welodd y gwrthdrawiad neu sydd â fideo dashfwrdd o'r digwyddiad gysylltu â swyddogion gan ddyfynnu'r cyfeirnod 2300122673, os nad ydynt wedi gwneud hynny'n barod.

Gallwch gysylltu â Heddlu De Cymru drwy un o’r ffyrdd canlynol:

🗪 Sgwrs Fyw https://www.south-wales.police.uk/cy-GB/

💻 Rhoi gwybod ar-lein https://www.south-wales.police.uk/cy-GB/riportio/riportio

📧 E-bost [email protected]

📞 101