Cafwyd mam yn ddieuog o ddynladdiad ac esgeulustod oherwydd gwallgofrwydd.

Heddiw (28/04/2023) yn Llys y Goron Caerdydd, cafwyd Olabisi Abubakar, 42 oed, o Gaerdydd yn ddieuog o ddynladdiad a chreulondeb i blant yn ymwneud â marwolaeth ei mab tair oed Taiwo oherwydd gwallgofrwydd.

Mae tad Taiwo wedi rhyddhau'r datganiad canlynol:

“Roedd Taiwo yn fachgen anhygoel, roedd yn bleser ei fagu.

“Y tro cyntaf i mi weld Taiwo, rhoddodd y fath lawenydd i mi, roeddwn i wrth fy modd.

“Hoffwn pe bai Taiwo yma o hyd, ond rwyf am ei gofio fel yr oedd, yn fachgen hapus a siaradus.”

Rhoddwyd gwybod am bryderon ynghylch lles Taiwo i Heddlu De Cymru ar 29 Mehefin, 2020.
Aeth swyddogion i gyfeiriad ei gartref ar unwaith a chanfod ei fod wedi marw.

Dywedodd swyddog yr achos, sef y Ditectif Ringyll John Harris o Heddlu De Cymru: “Roedd hwn yn achos cymhleth a thrasig. Mae ein meddyliau gyda Taiwo a phawb oedd yn ei adnabod a'i garu."

Bydd gorchymyn ysbyty yn cael ei roi ar Olabisi Abubaker yn Llys y Goron Caerdydd ddydd Mawrth, 2 Mai.

Mae hi yn yr ysbyty o hyd.