Gwerthwr cyffuriau yn cael ei garcharu am bedair blynedd

Cafodd Callum Watts, o Dredegar, ei arestio am drosedd gyrru ar 31 Rhagfyr. Roedd ffôn symudol yn ei feddiant yn cynnwys negeseuon a oedd yn ymwneud â chyffuriau, gan ddangos ei fod yn gysylltiedig â chyflenwi cyffuriau Dosbarth A.

Datgelodd yr ymchwiliad fod y dyn 24 oed yn rhedeg llinell gyffuriau Dosbarth A sefydledig ledled Pontypridd ac ardal Cwm Rhondda.

Ddydd Mercher (15 Chwefror), ymddangosodd Watts gerbron Llys y Goron Caerdydd gan bledio'n euog i gyflenwi cyffuriau Dosbarth A a throsedd gyrru. Cafodd ei ddedfrydu i bedair blynedd yn y carchar.

Dywedodd y Ditectif Ringyll Lia Jones:

“Byddwn yn parhau â'n hymdrechion di-baid i fynd i'r afael â chyflenwi cyffuriau a phob math o droseddoldeb cyfundrefnol sy'n effeithio ar y cymunedau a wasanaethir gennym.

“Dim ond un enghraifft yw'r achos hwn o'r ffordd y mae ein Huned Troseddau Cyfundrefnol ym Morgannwg Ganol yn mynd i'r afael ag achosion o werthu cyffuriau yn y gymuned.

“Gallwn weithredu ar y wybodaeth a gawn gan y cyhoedd, ac rydym yn gwneud hynny'n rheolaidd, felly parhewch i gysylltu â ni.

“Anogir unrhyw un sydd ag amheuon neu wybodaeth am achosion o gyflenwi cyffuriau anghyfreithlon i gysylltu â ni.”

• Sgwrs Fyw https://www.south-wales.police.uk/cy-GB/
• Rhoi Gwybod Ar-lein https://www.south-wales.police.uk/cy-GB/riportio/riportio
• E-bost [email protected]
• 101

Ffoniwch 999 bob amser mewn argyfwng.

Cafodd yr ymchwiliad hwn, a gwaith tebyg arall, eu cefnogi gan gyllid ychwanegol gan y Ganolfan Cydgysylltu Llinellau Cyffuriau Genedlaethol.