Pedwar wedi cael eu harestio yn dilyn ymchwiliad i fyrgleriaeth
Cynnwys y prif erthygl
Mae ditectifs o Heddlu De Cymru yn ymchwilio i sawl byrgleriaeth sydd wedi targedu adeiladau sy'n gysylltiedig â bwytai a siopau cludfwyd Tsieineaidd yn benodol.
Mae nifer o eiddo wedi cael eu heffeithio ar draws ardal yr heddlu a chynghorwyd aelodau o'r ardal gymunedol Tsieineaidd i gymryd camau ychwanegol i sicrhau bod eu hadeiladau'n ddiogel.
Ers hynny mae pedwar dyn ac un wraig wedi cael eu harestio yn ystod yr wythnos ddiwethaf.
Dywedodd DCI Russel Jenkins: “Mae digwyddiadau fel hyn yn hynod o ofidus i ddioddefwyr, ac ni chânt eu goddef.
"Rydym yn ymchwilio i sawl byrgleriaeth a ddigwyddodd ers canol Ionawr. Rydym yn gweithio gydag aelodau o'r cymunedau yr effeithiwyd arnynt er mwyn cynnig cyngor atal trosedd ychwanegol i berchnogion busnes. Mae'r troseddau hyn wedi effeithio ar sawl ardal heddlu gan gynnwys ein heddlu ni, Gwent, Dyfed Powys, Caerloyw ac Avon a Gwlad yr Haf. Rydym yn gweithio mewn partneriaeth ac ar y cyd â’r ardaloedd heddlu hyn i ymchwilio ymhellach i’r materion hyn.”
Dylai unrhyw un sydd â gwybodaeth am y digwyddiadau hyn gysylltu â ni, gan ddyfynnu cyfeirnod: 2300043553