Dyn a ddefnyddiodd ddwy gyllell i ladrata o siop yn gynnar yn y bore wedi'i garcharu am fwy na phum mlynedd

Cafodd Chris Jenkins ei ddedfrydu i bum mlynedd a thri mis yn y carchar yn dilyn ysbeiliad arfog yn Llanisien.

Am 6am ar 19 Mehefin, aeth Jenkins, 35, i'r siop leol ar Heol yr Orsaf, Llanisien gyda dwy gyllell a dal menyw 41 oed y tu ôl i'r til.

Mynnodd gael arian o'r tiliau ond ni allai'r dioddefwr oedd dan straen eu hagor. Yna mynnodd ei bod yn gwagio'i phocedi, a datgelodd nad oedd ganddi unrhyw beth ynddynt.

Gwelodd aelod o'r cyhoedd ddyn yn ymddwyn yn amheus y tu ôl i'w gartref, yn union ar ôl y digwyddiad. Ymddangosodd fel pe bai'n newid ei ddillad ac yn cuddio'r dillad roedd yn eu gwisgo cyn hynny. Roedd y dyn hwn yn gwisgo dillad a oedd yn cyfateb i'r disgrifiad yn gynharach yn y siop.

Arweiniodd yr adroddiad at arestio Jenkins.  Yna bu swyddogion y chwilio'r eiddo lle cafodd Jenkins ei arestio gan atafaelu dwy gyllell, a oedd yn cyfateb i'r disgrifiad o'r cyllyll a ddefnyddiwyd yn y lladrad.

Dywedodd y Ditectif Gwnstabl Molly Thomas: 

"Rydym yn falch o fod wedi collfarnu Jenkins ar ran y dioddefwr a wynebodd brofiad trawmatig gyda bygythiad cyllell wrth gyflawni ei swydd ddyddiol.

"Rhaid cydnabod ei dewrder yn rhoi gwybod i'r heddlu ac am gefnogi ein hymchwiliad.”

Plediodd Jenkins yn euog i ladrata ac am gael eitem lafnog yn ei feddiant.