Dyn yn cael ei garcharu am 12 mlynedd am ymosodiad rhywiol

Mae Joshua Lovering wedi cael ei garcharu am 12 mlynedd ar ôl ei gael yn euog o nifer o ymosodiadau rhywiol ar ferched.

Cafodd Lovering, 20 oed, o Gwmbrân ei ddedfrydu am y brif drosedd o ymosod, lle aeth i mewn i gartref merch ym Mhen-y-bont ar Ogwr heb ei chaniatâd ym mis Medi 2022. Aeth i mewn i'w chartref heb wahoddiad ac ymosododd arni, a dim ond dewrder y ddioddefwraig a ddaeth â'r ymosodiad i ben. Ymladdodd y ddioddefwraig yn ôl a llwyddodd i'w frathu, crafu ei wyneb, ei gicio a'i fygwth hyd nes iddo stopio a gadael yn y pendraw.

Lleolwyd Lovering a'i arestio o fewn oriau wedi'r ymosodiad ac yn dilyn hyn, cafodd ei gyhuddo o ymgais o dreisio ac ymosodiad rhywiol a chafodd ei gadw yn y ddalfa.

Dywedodd y Ditectif Gwnstabl Ashley Colston: "Roedd dewrder y ddioddefwraig yn yr achos hwn yn anhygoel.

"Mae Lovering yn droseddwr peryglus fel y profa'r ymosodiadau ffyrnig hyn. Dangosa'r ffaith fod dioddefwr wedi gallu ymladd yn ôl a chysylltu â'r heddlu, ddewrder enfawr ac mae'n glod mawr iddi.

"Mae Heddlu De Cymru yn gadarn yn eu hymateb yn erbyn rheini sy'n cyflawni trais yn erbyn menywod a merched. Rydym yn croesawu’r ddedfryd am y troseddau erchyll hyn ac yn gobeithio y bydd hyn yn annog eraill i godi eu llais".

Pan ymosododd Lovering ar y ferch, roedd eisoeso dan ymchwiliad am ymosodiadau rhywiol ac affraeau eraill. Yn ystod yr ymosodiadau hyn roedd ganddo gyllell a ddefnyddiodd i fygwth ei ddioddefwyr i fynnu rhyw. Pan oedd ar remand, cafodd ei gyhuddo am ei gyfres gyfan o ymosodiadau a arweiniodd at y ddedfryd hir a gyhoeddwyd yr wythnos hon.

Plediodd yn euog i'r affräe, ymosodiad drwy dreiddiad, ymosodiad rhywiol a bygwth person â chyllell mewn man preifat.

Mae cyfanswm ei ddedfryd yn 16 mlynedd, 12 mlynedd yn y ddalfa a 4 mlynedd ar drwydded.