Dau wedi cael eu harestio yn dilyn graffiti hiliol

Mae swyddogion yr heddlu a oedd yn ymchwilio i ddigwyddiad o graffiti hiliol ar furlun ym Mhort Talbot wedi arestio dau fachgen yn eu harddegau heddiw (Dydd Mawrth, 8 Tachwedd) ar amheuaeth o greu difrod troseddol wedi'i waethygu gan hil a chrefydd.

Cafodd yr unigolion yn eu harddegau, o Bort Talbot a Thonyrefail, eu cludo i orsaf yr heddlu Ffordd y Frenhines, Pen-y-bont ar Ogwr, lle maent yn cael eu holi.

Mae sawl chwiliad eiddo yn cael eu cwblhau ar hyn o bryd.

Dywedodd yr Uwcharolygydd Stephen Jones: “Ni fyddwn yn goddef ymddygiad o atgasedd o'r natur hon.

“Hoffwn roi sicrwydd i'r gymuned leol bod ymchwiliad llawn yn cael ei gynnal gyda'r bwriad o sicrhau y bydd y rhai sy'n gyfrifol yn cymryd cyfrifoldeb llawn dros eu gweithredoedd ffiaidd.”

Os oes gan unrhyw un wybodaeth ynglŷn â'r mater hwn, cysylltwch â Heddlu De Cymru drwy ffonio 101 gan ddyfynnu cyfeirnod 2200364396 neu ewch i: https://www.south-wales.police.uk/cy-GB/cysylltu-a-ni/af/contact-us-forms/darparu-mwy-o-wybodaeth-iw-hychwanegu-at-adroddiad-trosedd/.

diwedd