Heddlu De Cymru yn lansio Cynllun Gyrrwr Dynodedig ‘DES’

Fel rhan o ymgyrch yfed a gyrru Caerdydd a'r Fro, mae Heddlu De Cymru ynghyd â 13 o dafarndai a bwytai wedi lansio Cynllun DES (Gyrrwr Dynodedig).

Yn ystod cyfnod prysur y Nadolig, bydd yr 13 o safleoedd trwyddedig yn cynnig diodydd meddal am ddim i yrwyr dynodedig. Gyrrwr dynodedig yw rhywun sy'n ymwrthod rhag yfed alcohol er mwyn bod yn yrrwr cyfrifol.

Nod y cynllun yw hyrwyddo yfed yn gyfrifol mewn perthynas â diogelwch ar y ffyrdd. Clwb Golff Sir Forgannwg (a welir yn y llun) oedd un o'r safleoedd cyntaf i gofrestru ar gyfer y cynllun newydd, yn ogystal â'r Philharmonic, Brewhouse a Revolution, ymysg nifer o safleoedd eraill ledled Caerdydd a'r Fro.

Dywedodd Claire Dewhurst, Swyddog Trwyddedu Heddlu De Cymru:

“Rwy'n falch iawn o lansio ‘Cynllun (Gyrrwr Dynodedig) DES ydw i', sef y cyntaf o'i fath yng Nghymru. Mae cymaint o safleoedd wedi ymuno â ni yn ystod y cyfnod byr, i gefnogi'r fenter werth chweil hon. Byddwch yn arwr! Byddwch yn DES! Os hoffech chi ymuno â'r cynllun, cysylltwch â'ch tîm trwyddedu lleol.

“Mae'r cynllun hwn eisoes wedi bod yn llwyddiannus iawn. Rydym yn annog pawb i gymryd rhan, yn enwedig dros gyfnod yr ŵyl wrth i bawb fynd allan i fwynhau eu hunain. Mae bod yn yrrwr dynodedig yn gallu bod yn faich weithiau, ond rydym yn gobeithio y bydd y cynllun hwn yn annog mwy o bobl i fod yn ymwybodol o yfed a gyrru a phwysigrwydd bod yn ddiogel ar y ffyrdd.”

Dywedodd Russell Thomas, Rheolwr Clwb Golff Sir Forgannwg:

“Rydym yn falch o fod yn un o'r safleoedd cyntaf i gofrestru ar gyfer cynllun ‘DES’. Rydym yn gwbl gefnogol o ymdrechion Heddlu De Cymru i hyrwyddo gyrru'n ddiogel, ac yn gobeithio y bydd y bobl leol yn eu cefnogi hefyd.”

Ochr yn ochr â lansiad cynllun DES, mae Heddlu De Cymru hefyd wedi dechrau Ymgyrch Terfyn, sydd â'r nod o leihau nifer y bobl sy'n gyrru dan ddylanwad alcohol a chyffuriau a chadw'r ffyrdd yn ddiogel. Yn ystod wythnos gyntaf yr ymgyrch yn unig, cafodd 21 o bobl eu harestio am yfed a gyrru, ac mae'r troseddau wedi'u trosglwyddo i'r system llysoedd.

Os oes ennych chi fel safle ddiddordeb mewn cofrestru ar gyfer y cynllun, cysylltwch â thîm trwyddedu Heddlu De Cymru. Ceir rhestr lawn o'r safleoedd sy'n cymryd rhan isod.

Os hoffech gofrestru â'r cynllun, cysylltwch â thîm trwyddedu Heddlu De Cymru.

Mae'r safleoedd sy'n gysylltiedig â chynllun DES ar hyn o bryd yn cynnwys:

• The Vale of Glamorganshire Golf Club, Lavernock Road, Penarth
• Brew Monster Tap House, 31 High Street, Cardiff
• Revolution ,9-11 Castle St, Cardiff
• Retro Lounge, 7 Mill Lane, Cardiff
• Brewhouse, Brewery Quarter , Cardiff
• The Park, Park Crescent, Barry
• The Admiral Napier, 239 Cowbridge Rd East, Cardiff
• The Cornwall, 92 Cornwell Street,, Cardiff
• The Village Inn, Croescadarn Road, Cardiff
• Hollybush Pub Glyn Coed Road, Cardiff
• The Dock Bar and Kitchen, Mermaid Quay, Cardiff Bay
• Metros Nightclubs, 10 Bakers Row, Cardiff
• The Philharmonic, 76-77 St Mary Street, Cardiff
• The Alchemist, 117 St.Mary Street, Cardiff
• The Old Cottage, Cherry Orchard Road, Cardiff
• Ffynnon Wen, Thornhill Road, Cardiff
• The Pendragon, Excalibur Drive, Cardiff
• Black Griffin Inn, Church Rd, Cardiff
• Ty Mawr, Graig Road, Cardiff
• The Old White Hart, Wine Street, Llantwit Major
• Tudor Tavern, 14 Church Street, Llantwit Major
• Llantwit Major RFC, Boverton Road, Llantwit Major
• The Kings Head, East Street, Llantwit Major
• The Old Swan Inn, Church Street, Llantwit Major
• The Boverton Castle, Boverton Road, Llantwit Major
•