Casey Coulton - teyrnged
Cynnwys y prif erthygl
Mae corff wedi'i ddarganfod yn dilyn chwiliad am Casey Coulton, 18 mlwydd oed, a oedd ar goll, a welwyd ddiwethaf yn oriau mân y bore ddydd Sul 13 Tachwedd. Gallwn gadarnhau bod y corff wedi'i adnabod yn ffurfiol fel Casey.
Dywedodd Joanne Edwards, mam gariadus cariad Casey:
"Roedd Casey yn garedig, cariadus ac yn ŵr bonheddig anhunanol.
"Roedd ei gariad, Charlie, ei frawd Nick, fi a fy mhartner Leighton yn ei garu.
"Roedd ei ffrindiau i gyd yn ei garu ac roedd yn llawn egni.
"Mae ein calonnau wedi torri.
"Hoffwn ddiolch i The Baker Project a phawb sydd wedi helpu i chwilio am Casey.
"Rydym am i bawb ei gofio fel unigolyn caredig a gofalgar.
"Casey, byddi yn ein calonnau am byth."
Dywedodd y Ditectif Arolygydd Matt Hicks:
“Galwyd swyddogion yn dilyn adroddiadau bod corff wedi'i ddarganfod ger afon Taf yn Abercynon tua 10.30am ddoe.
"Mae'r corff wedi'i adnabod yn ffurfiol ac yn anffodus, adnabuwyd y corff fel Casey, o Aberdâr.
"Cynhaliwyd chwiliadau eang i ddod o hyd i Casey ac archwiliwyd pob adroddiad iddo gael ei weld o bosibl. Mae ymchwiliad yn mynd rhagddo i'r amgylchiadau sy'n gysylltiedig â'i farwolaeth, sy'n cael ei drin fel marwolaeth anesboniadwy.
“Rydym yn meddwl am deulu a ffrindiau Casey yn y cyfnod anodd iawn hwn. Bydd swyddogion sydd wedi'u hyfforddi'n arbennig yn parhau i roi'r newyddion diweddaraf a chymorth i'r teulu a ffrindiau.
“Diolch i bawb sydd wedi rhannu ein hapeliadau.”