Heddlu yn galw am dystion i ddigwyddiad yn Abertawe

Mae Heddlu De Cymru yn parhau i apelio am wybodaeth am ddigwyddiad yng nghanol dinas Abertawe yn ystod oriau mân Dydd Nadolig.

Cafodd y gwasanaethau brys eu galw tua 3.05am yn dilyn adroddiadau bod car wedi mynd i afon Tawe ar New Cut Road.

Cafodd Mini John Cooper Works du ei ganfod o dan ddŵr yr afon. Cafodd cyrff dynes a dyn, y ddau yn 36 oed, eu darganfod. Mae eu teuluoedd yn parhau i gael eu cefnogi gan swyddogion sydd wedi'u hyfforddi'n arbenigol.

Enwyd Rachel Curtis o ardal Fôn-y-maen yn Abertawe fel gyrrwr y Mini.

Mae'r teulu wedi talu'r deyrnged ganlynol drwy eu swyddog cyswllt teuluol: “Roedd Rachel yn berson doniol, deallus ac unigryw. Roedd hi'n hynod dalentog ac yn greadigol mewn ewinedd a chelf. Roedd yn gweithio yn Stadiwm Liberty yn addysgu celf therapiwtig a chelf ewinedd.

“Roedd hi'n hyfforddwr hunanamddiffyn ac yn hyfforddwr diogelwch elitaidd, wedi'i hyfforddi fel swyddog diogelwch tynn a goruchwylydd drws. Helpodd i godi arian i'r “Jack Lewis Foundation” sef elusen atal hunanladdiad. Bu Rachel hefyd yn codi arian i “Matthews House”, elusen digartrefedd ac roedd yn rhan o brosiectau ieuenctid yn helpu merched ifanc. Bydd colled enfawr ar ôl Rachel gan bawb a oedd yn ei hadnabod, yn enwedig ei mab 14 oed. “

Mae'r dyn a oedd yn deithiwr yn y car wedi cael ei enwi fel Jay Kyle Jenkins o ardal St Thomas.

Mae swyddogion yn apelio i unrhyw un a all fod wedi gweld y car yn mynd i'r afon, neu sydd â theledu cylch cyfyng neu fideo camera dashfwrdd a all fod wedi recordio'r digwyddiad, i gysylltu â nhw drwy un o'r ffyrdd canlynol gan ddyfynnu'r rhif digwyddiad 2200429694. Maent hefyd am siarad ag unrhyw un a all fod wedi gweld neu siarad â Rachel neu Jay cyn y digwyddiad.

Sgwrs Fyw (9am-4pm, o ddydd Llun i ddydd Gwener) https://www.south-wales.police.uk/

Cysylltwch â ni drwy https://bit.ly/SWPProvideInfo

E-bostiwch [email protected]

101