Avenue De Clichy – apêl ar ôl gwrthdrawiad angheuol
Cynnwys y prif erthygl
Mae Heddlu De Cymru yn ymchwilio i wrthdrawiad traffig ffyrdd angheuol a ddigwyddodd ar Avenue De Clichy, Merthyr Tudful, tua 10pm nos Sadwrn, 24 Rhagfyr.
Roedd y gwrthdrawiad yn ymwneud â cherbyd Nissan Qashqai du a cherddwr.
Cafodd y cerddwr, sef dyn 82 oed, ei gludo i'r ysbyty lle bu farw'n ddiweddarach o'i anafiadau.
Cafodd menyw 31 oed ei harestio ar amheuaeth o achosi anaf difrifol drwy yrru heb ofal na sylw priodol ac mae ar fechnïaeth tra bydd yr ymchwiliad yn parhau.
Dywedodd PC Nerys Reeve:
“Rydym yn parhau i feddwl am deulu a ffrindiau'r dyn. Rhoddwyd gwybod i'w berthnasau agosaf ac maent yn cael eu cefnogi gan swyddogion.
“Hoffem ddiolch i'r aelodau hynny o'r cyhoedd a wnaeth ein cynorthwyo yn lleoliad y gwrthdrawiad, a hoffem glywed gan unrhyw un a all fod wedi gweld y gwrthdrawiad neu y gall fod ganddo ddeunydd fideo camera dashfwrdd o'r digwyddiad neu a welodd y modd yr oedd y Qashqai yn cael ei yrru cyn y gwrthdrawiad.”
Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/ neu drwy ffonio 101 gan ddyfynnu'r cyfeirnod 2200429526.