Hysbysiad Adran 35 canol tref Pen-y-bont ar Ogwr

Mae swyddogion ym Mhen-y-bont ar Ogwr wedi cael pwerau ychwanegol i ddelio ag unigolion sy'n ymddwyn yn wrthgymdeithasol.

Mae gorchymyn gwasgaru 48 awr, a roddir o dan Ddeddf Ymddygiad Gwrthgymdeithasol, Troseddu a Phlismona 2014, ar waith yng nghanol y dref tan 6.59pm yfory (dydd Sul, 1 Ionawr).

Dan Adran 35 o'r Ddeddf, mae swyddogion heddlu yn gallu gorchymyn i unrhyw un sy'n achosi, neu sy'n debygol o achosi aflonyddwch, braw neu drallod, adael yr ardal.

Bydd ganddynt hefyd y pŵer i atafaelu unrhyw eiddo y bydd swyddogion yn amau ei fod yn cael ei ddefnyddio i achosi ymddygiad gwrthgymdeithasol.

Mae'r gorchymyn hwn yn fesur ataliol yn dilyn helynt yng nghanol y dref brynhawn dydd Gwener.

Galwyd yr heddlu i Stryd yr Angel tua 3.15pm i adroddiad bod tua 15 o fechgyn yn eu harddegau yn ymladd. Ni chafodd neb ei anafu ac mae bachgen 16 oed o Bencoed wedi cael ei arestio mewn cysylltiad â'r digwyddiad.

Dywedodd yr Uwch-arolygydd Matthew Codd o Heddlu De Cymru:

“Mae'r gorchymyn gwasgaru hwn ar waith y penwythnos hwn fel mesur ataliol.
“Bydd gennym fwy o heddlu yng nghanol y dref ac ni fydd swyddogion yn oedi rhag gorfodi'r pwerau ychwanegol a roddwyd iddynt er mwyn cadw'r gymuned yn ddiogel.
“Rydym yn annog rhieni a gwarcheidwad i siarad â'u pobl ifanc am beidio ag ymddwyn yn wrthgymdeithasol.”

Gofynnir i unrhyw un sydd â gwybodaeth neu bryderon am y mater hwn gysylltu â Heddlu De Cymru drwy un o'r ffyrdd canlynol gan ddyfynnu rhif cyfeirnod 2200434327.

• Cysylltwch â ni drwy Darparu mwy o wybodaeth i’w hychwanegu at adroddiad trosedd | Heddlu De Cymru (south-wales.police.uk)
• E-bostio [email protected]
• 101

Ffoniwch 999 bob amser mewn argyfwng.