18 o bobl wedi'u carcharu am eu rhan yn nherfysg Mayhill

Mae 18 o bobl wedi cael eu dedfrydu am gyfanswm o mwy na 83 blynedd am eu rhan yn yr anhrefn yn Mayhill ar 20 Mai y llynedd. Dedfrydwydd y cyfan am derfysg.

Cafodd y dedfrydau canlynol eu rhoi yn Llys y Goron Abertawe:

• Christopher Munslow, tair blynedd a hanner; 
• William Smolden, tair blynedd a hanner; 
• Kieran Smith, pedair blynedd;
• Joshua Cullen, pum mlynedd a hanner;
• Connor Beddows, pedair blynedd a tair mis;
• Lewis James, pum mlynedd;
• Niamh Cullen, dwy flynedd ac wyth mis;
• Kian Hurley, chwe blynedd a naw mis;
• Michael Parsons, chwe blynedd a tair mis;
• Mitchell Meredith, pum mlynedd a pedair mis;
• Jahanzaib Malik, pedair blynedd;
• Ryan Owen, pedair blynedd;
• Dean Price, pum mlynedd a hanner; 
• Tyrone Langan, pum mlynedd a tair mis; 
• Aaron Phillips, chwe blynedd a tair mis;
• Ryan Sarsfield, pedair blynedd;
• Paul Jones, pedair blynedd a hanner;
• Keiron Argent, tair blynedd a dwy fis.

Bydd tri person arall yn cael eu ddedfrydu am eu rhan yfory (Mawrth, Rhagfyr 20). 

Dywedodd y Ditectif Arolygydd Gareth Jones:

“Roedd y digwyddiad hwn yn enghraifft o drais eithafol ac yn ymdrech amlwg i dorri'r gyfraith ac i ymosod yn fwriadol ar yr heddlu a fynychodd. 

“Cododd y niferoedd a gymerodd ran ofn go iawn ar y trigolion lleol a welodd yr hyn a ddigwyddodd neu yr achoswyd difrod i'w heiddo yn ystod yr anhrefn. 

“Mae sawl ffactor wedi cyfrannu at lwyddiant yr ymchwiliad a'r erlyniad hwn. Gwnaeth aelodau o'r cyhoedd ddatganiadau tystion a chawsom ddeunydd fideo oddi ar ffonau symudol neu gamerâu drws gan sawl aelod arall o'r cyhoedd. Roedd yr ymchwiliad a ddeilliodd o hynny yn drylwyr ac yn fanwl, a llwyddwyd i gyflwyno'r dystiolaeth mewn ffordd a ddarbwyllodd y llys i gollfarnu'r unigolion hyn. 

“Mae'r dedfrydau a roddwyd i'r unigolion hyn yn adlewyrchu difrifoldeb yr hyn a wnaethant fis Mai diwethaf. Daethant at ei gilydd, yn cario arfau, ffyn a brics heb feddwl o gwbl am y trigolion na'r canlyniadau angheuol posibl a allai fod wedi deillio o'u gweithredoedd. 

“Mae'n bleser gennyf ddweud ein bod wedi cael cyfiawnder a gobeithio y bydd y dedfrydau a roddwyd heddiw yn rhoi digon o amser i'r unigolion hynny a oedd yn benderfynol o fod yn rhan o'r anhrefn fyfyrio ar yr hyn a wnaethant.”