Mae dyn wedi cael ei euogfarnu o lofruddio Jordan Cody-Foster yn Butetown, Caerdydd

Mae Steven White o Sblot wedi cael ei euogfarnu o lofruddio Jordan Cody-Foster ar Hansen Street, Butetown, Caerdydd, ddydd Mawrth 23 Tachwedd 2021.

Plediodd White, 44 oed, yn euog ddydd Mercher, 8 Mehefin yn ystod treial yn Llys y Goron Caerdydd.

Caiff ei ddedfrydu yn ddiweddarach y mis hwn.

Cafodd y gwasanaethau brys eu galw i Hansen Street yn fuan ar ôl 9am ar 23 Tachwedd yn dilyn adroddiadau bod rhywun wedi cael ei drywanu.

Er gwaethaf ymdrechion gorau'r gwasanaethau brys a staff o Ganolfan Huggard gerllaw, bu farw Jordan Cody-Foster o'i anafiadau.

Dywedodd y Ditectif Brif Arolygydd Matt Davies, yr Uwch-swyddog Ymchwilio: “Roedd Jordan Cody-Foster yn fab, nai, cefnder, brawd a thad cariadus ac rydym yn meddwl am ei deulu a'i ffrindiau.

“Gobeithio y bydd y canlyniad yn Llys y Goron Caerdydd heddiw yn rhoi rhywfaint o gysur i bawb a oedd yn adnabod ac yn caru Jordan.

“Roedd ei farwolaeth yn ergyd i'r gymuned, yn arbennig y rhai sy'n gweithio ac yn byw yng Nghanolfan Huggard. Hoffwn ddiolch iddynt nid yn unig am eu dewrder ar y diwrnod a'u hymdrechion i achub bywyd Jordan, ond hefyd am eu cymorth yn ystod ein hymchwiliad.

“Yn anffodus, mae'r achos trychinebus hwn, unwaith eto, yn tynnu sylw at ganlyniadau ofnadwy a phellgyrhaeddol troseddau cyllyll.

“Mae Heddlu De Cymru yn ymrwymedig i fynd i'r afael â throseddau cyllyll drwy atal pobl rhag cario'r arfau hyn a chymryd camau cadarn yn erbyn y rheini y canfyddwn eu bod yn gysylltiedig â throseddau o'r fath.

“Os byddwch yn amau y gall rhywun fod yn cario cyllell, cysylltwch â'r heddlu. Yn syml, gallai siarad achub bywyd.”

Caiff White ei ddedfrydu ddydd Gwener, 24 Mehefin.