Pedwar cerbyd oddi ar y ffordd anghyfreithlon a machete wedi eu hatafaelu fel rhan o Ymgyrch Red Mana

Ymunodd swyddogion o'r Uned Plismona Ffyrdd a'r tîm oddi ar y ffordd gwrthgymdeithasol (#ASORT) a Chyngor Caerdydd â thîm Cymdogaeth Trelái dros y penwythnos er mwyn mynd i'r afael â beiciau oddi ar y ffordd yn gyrru mewn ffordd wrthgymdeithasol yng Nghaerdydd.

Rhoddwyd gwybod am y gyrrwyr yn ardaloedd Trelái a Thredelerch ac o ganlyniad, atafaelwyd pedwar cerbyd oddi ar y ffordd.

• Dau feic modur trydan Surron a machete enfawr wedi'u hatafaelu
• Dau feic cwad glas a adawyd wedi'u canfod a'u hatafaelu

Dywedodd yr Arolygydd Plismona Lleol, Ben Davies: “Rydym yn gwybod bod beiciau oddi ar y ffordd yn peri gofid i'n cymunedau ac mae Ymgyrch Red Mana yn ymgyrch blismona sy'n ymroddedig i fynd i'r afael â'r mater.

“Nid yn unig mae'r math hwn o ddefnydd o feiciau oddi ar y ffordd yn torri rheoliadau traffig ffyrdd, ond mae hefyd yn beryglus iawn.
“Rydym yn pryderu y gallai rhywun gael ei anafu gan y beiciau hyn, sy'n cael eu goryrru a hefyd y sŵn, sy'n amharu ar ansawdd bywyd trigolion.”
Caiff Ymgyrch Red Mana ei chefnogi gan yr Auto-Cycle Union Ltd (ACU), y Corff Llywodraethu Cenedlaethol cydnabyddedig ar gyfer Chwaraeon Beiciau Modur ym Mhrydain (ddim yng Ngogledd Iwerddon) a'r Gymdeithas Beicio Modur Amatur (AMCA).

Byddem yn annog y cyhoedd i roi gwybod am unrhyw wybodaeth gyffredinol sy'n ymwneud â'r defnydd anghyfreithlon o feiciau oddi ar y ffordd drwy e-bostio [email protected]