Ugain mlynedd ers diflaniad Robert Williams, mae Heddlu De Cymru yn adnewyddu ein hapêl am wybodaeth

Llun o Robert cyn iddo fynd ar goll, a delwedd heneiddio sy'n dangos sut y gallai fod wedi edrych 10 mlynedd yn ddiweddarach, yn 25 oed.

Roedd Robert yn 15 oed pan aeth ar goll o'i gartref yn Resolfen, Castell-nedd, ar 22 Mawrth 2002. Er gwaethaf ymholiadau niferus a sawl apêl am wybodaeth dros yr 20 mlynedd diwethaf, nid yw swyddogion wedi gallu dod o hyd iddo.

Dywedodd y Ditectif Arolygydd Dai Butt: “Bydd pob achos person coll sydd heb ei ddatrys yn aros ar agor a byddwn yn ailedrych ar achosion o'r fath o bryd i'w gilydd rhag ofn y bydd tystiolaeth newydd yn dod i'r amlwg. Rydym yn parhau i fod yn ymrwymedig i ddarganfod beth ddigwyddodd i Robert.

“Credaf fod gan gymunedau lleol Resolfen ac Aberdulais wybodaeth allweddol a allai ein helpu i ddeall beth ddigwyddodd iddo.

“Efallai ei fod yn heriol cofio manylion 20 mlynedd yn ôl, ond ni waeth pa mor fach neu ddibwys rydych chi'n meddwl yw'r wybodaeth sydd gennych, gallai fod yn hanfodol i'n hymchwiliad a helpu i roi ateb i deulu Robert o'r diwedd.

“Mae 20 mlynedd heb atebion wedi bod yn artaith iddynt – os oes gennych wybodaeth, nid yw'n rhy hwyr i wneud y peth iawn ar ôl yr holl amser a chysylltu â ni.”

Gall unrhyw un sydd â gwybodaeth gysylltu â Heddlu De Cymru drwy un o'r dulliau isod gan ddyfynnu'r cyfeirnod 62070210819.

Ewch i: https://bit.ly/SWPProvideInfo
Anfonwch neges breifat atom ar Facebook/Twitter
Drwy e-bost: [email protected]
Ffôn: 101